ஸ்டம்பிங்கில் மீண்டும் மேஜிக் நிகழ்த்திய எம் எஸ் தோனி - காணொளி!

ராயல் சேலஞ்சர்ஸுக்கு எதிரான ஐபிஎல் லீக் போட்டியில் சிஎஸ்கே வீரர் எம் எஸ் தோனி செய்த அபாரமான ஸ்டம்பிங் குறித்த காணொளி வைரலாகி வருகிறது.

ஸ்டம்பிங்கில் மீண்டும் மேஜிக் நிகழ்த்திய எம் எஸ் தோனி - காணொளி! (Image Source: Google)

ஐபிஎல் தொடரில் இன்று நடைபெற்று வரும் 8ஆவது லீக் போட்டியில் சென்னை சூப்பர் கிங்ஸ் மற்றும் ராயல் சேலஞ்சர்ஸ் பெங்களூரு அணிகள் பலப்பரீட்சை நடத்தின. சென்னையில் உள்ள எம் ஏ சிதம்பரம் கிரிக்கெட் மைதானத்தில் நடைபெறும் இப்போட்டியில் டாஸ் வென்ற சிஎஸ்கே அணி முதலில் பந்துவீசுவதாக அறிவித்தது. 

இதையடுத்து களமிறங்கிய ராயல் சேலஞ்சர்ஸ் பெங்களூரு அணிக்கு பில் சால்ட் மற்றும் விராட் கோலி இணை தொடக்கம் கொடுத்தனர். இதில் விராட் கோலி ஒருமுனையில் நிதானமாக விளையாடிய நிலையில், மறுபக்கம் பில் சால்ட் அடுத்தடுத்து பவுண்டரிகளை விளாசி அதிரடி காட்டியதுடன் அணியின் ஸ்கோரையும் மளமளவென உயர்த்தினார். இதன்மூலம் இருவரின் பார்ட்னர்ஷிப்பும் முதல் விக்கெட்டிற்கு 45 ரன்களை எட்டியது. 

மேலும் இப்போட்டியில் அதிரடியாக விளையாடி வந்த பில் சால்ட் அரைசதம் அடிப்பார் என எதிர்பார்க்கப்பட்ட நிலையில், 5 பவுண்டரிகள், ஒரு சிக்ஸர் என 32 ரன்களில் தனது விக்கெட்டை இழந்தார். அதிலும் குறிப்பாக அவர் மகேந்திர சிங் தோனியின் அபாரமான ஸ்டம்பிங்கின் மூலம் தனது விக்கெட்டை இழந்திருந்தார். அதன்படி இன்னிங்ஸின் 5ஆவது ஓவரை சிஎஸ்கே தரப்பில் நூர் அஹ்மத் வீசினார். அந்த ஓவரின் கடைசி பந்தை எதிர்கொண்ட பில் சால்ட் தூக்கி அடிக்கும் முயற்சியில் பந்தை முழுமையாக தவறவிட்டார்.

மேற்கொண்டு அவர் க்ரீஸில் இருந்த ஒருசில வினாடிகளே தனது காலை நகர்த்தினார். அதனை சரியாக கணித்த தோனி பந்தை பிடித்த கையோடு ஸ்டம்பிங்கையும் செய்து அசத்தினார். முதலில் இதனை பார்த்த ரசிகர்கள் அவுட் இல்லை என்று நினைத்த தருணத்தில், ரீப்ளையில் அவர் தனது காலை நகர்த்திய போது தோனி ஸ்டம்பிங்கை செய்து அசத்தியிருந்தார். இந்நிலையில் தோனியின் இந்த ஸ்டம்பிங் குறித்த காணொளியானது இணையத்தில் வைரலாகி வருகிறது. 

Ladies & gentlemen, presenting the GEN GOLD who never gets OLD! #MSDhoni pulls off yet another lightning-fast stumping and this time, it's #PhilSalt who’s left stunned!

Watch LIVE action https://t.co/MOqwTBm0TB#IPLonJioStar #CSKvRCB | LIVE NOW on Star Sports… pic.twitter.com/kK3B5jxhXT

— Star Sports (@StarSportsIndia) March 28, 2025

ராயல் சேலஞ்சர்ஸ் பெங்களூரு பிளேயிங் லெவன்: விராட் கோலி, பிலிப் சால்ட், தேவ்தத் படிக்கல், ரஜத் படிதர் (கேப்டன்), லியாம் லிவிங்ஸ்டோன், ஜிதேஷ் சர்மா, டிம் டேவிட், குர்னால் பாண்டியா, புவனேஷ்வர் குமார், ஜோஷ் ஹேசில்வுட், யாஷ் தயாள்.

இம்பேக்ட் வீரர்கள் - சுயாஷ் சர்மா, ராசிக் தார் சலாம், ஜேக்கப் பெத்தேல், ஸ்வப்னில் சிங், மனோஜ் பண்டேஜ்

சென்னை சூப்பர் கிங்ஸ் பிளேயிங் லெவன்: ரச்சின் ரவீந்திர, ருதுராஜ் கெய்க்வாட்(கேப்டன்), ராகுல் திரிபாதி, தீபக் ஹூடா, சாம் கரன், ரவீந்திர ஜடேஜா, எம்எஸ் தோனி, ரவிச்சந்திரன் அஸ்வின், நூர் அகமது, மதீஷா பதிரானா, கலீல் அகமது.

இம்பேக்ட் வீரர்கள் - ஷிவம் துபே, கமலேஷ் நாகர்கோட்டி, விஜய் சங்கர், ஜேமி ஓவர்டன், ஷேக் ரஷீத்