சர்ச்சையை கிளப்பிய இஷான் கிஷனின் முடிவு; நெட்டிசன்கள் விமர்சனம்!
மும்பை இந்தியன்ஸுக்கு எதிரான ஐபிஎல் லீக் போட்டியில் சன்ரைசர்ஸ் ஹைதராபாத் அணி வீரர் இஷான் கிஷன் ஆட்டமிழந்த காணொளி வைரலாகி வருகிறது.
இதனையாடுத்து களமிறங்கிய சன்ரைசர்ஸ் அணிக்கு டிராவிஸ் ஹெட் மற்றும் அபிஷேக் சர்மா இணை தொடக்கம் கொடுத்தனர். இதில் டிராவிஸ் ஹெட் ரன்கள் ஏதுமின்றி விக்கெட்டை இழக்க, அடுத்து களமிறங்கிய இஷான் கிஷானும் ஒரு ரன்னில் நடையைக் கட்டினார். மேற்கொண்டு மற்றொரு தொடக்க வீரரான அபிஷேக் சர்மா 8 ரன்னிலும், நிதீஷ் குமார் ரெட்டி 2 ரன்னிலும், அனிகெத் வர்மா 12 ரன்னிலும் என அடுத்தடுத்து விக்கெட்டுகளை இழந்தனர்.
Also Read
இதன் காரணமாக சன்ரைசர்ஸ் அணி 35 ரன்களில் 5 விக்கெட்டுகளை இழந்து தடுமாறி வருகிறது. இந்நிலையில் இப்போட்டியில் இஷான் கிஷான் விக்கெட்டை இழந்த விதம் கிரிக்கெட் அரங்கில் பெரும் சலசலப்பை ஏற்படுத்தியுள்ளது. ஏனெனில் இப்போட்டியின் மூன்றாவது ஓவரை தீபக் சஹார் வீசிய நிலையில் அந்த ஓவரின் முதல் பந்தை வைடராக வீசினார். அதனை எதிர்கொண்டா இஷான் கிஷானும் லெக் சைடில் தட்டிவிட முயற்சித்த நிலையில் பந்தை தவறவிட்டார்.
இதனால் பந்து விக்கெட் கீப்பரிடம் தஞ்சமடைந்தது. மேலும் கள நடுவர் அந்த பந்தை வைட் என்று அறிவிக்க முயன்ற நிலையில், இஷான் கிஷான் களத்தை விட்டு பெவிலியன் நோக்கி நடையைக் கட்டினார். இதனால் குழப்பமடைந்த் கள நடுவரும் அவுட் என்று அறிவித்தார். இதில் சுவரஸ்யம் என்னவெனில் அந்த பந்தை வீசிய தீபக் சஹார், பந்தை பிடித்த ரியான் ரிக்கெல்டன், மும்பை அணி வீரர்கள் என யாரும் நடுவரிடம் அவுட் என்று முறையிடவில்லை.
ISHAN KISHAN DISMISSAL MOMENT pic.twitter.com/y75dm8v0bM
— Johns. (@CricCrazyJohns) April 23, 2025ஆனால் இஷான் கிஷான் பெவிலியன் நோக்கி நடந்ததன் அடிப்படையிலேயே நடுவர் அவுட் என்ற முடிவை வழங்கினார். ஆனால் அதன்பின் காட்டப்பட்ட ஸ்னிக்கோ மீட்டரில் பந்து இஷான் கிஷானின் பேட்டிலேயோ அல்லது அவரது உடம்பிலேயே படாமல் சென்றது தெரியவந்தது. இதனையடுத்து நெட்டிசன்கள் இஷான் கிஷானின் இந்த முடிவை கடுமையாக விமர்சித்து வருகின்றனர். மேலும் இஷான் கிஷான் ஆட்டமிழந்த காணொளியும் இணையத்தில் வைரலாகி வருகிறது.
சன்ரைசர்ஸ் ஹைதராபாத் பிளேயிங் லெவன்: அபிஷேக் சர்மா, டிராவிஸ் ஹெட், இஷான் கிஷன், நிதிஷ் குமார் ரெட்டி, ஹென்ரிச் கிளாசென், அனிகேத் வர்மா, பாட் கம்மின்ஸ்(கேப்டன்), ஹர்ஷல் படேல், ஜெய்தேவ் உனத்கட், ஜீஷன் அன்சாரி, எஷான் மலிங்கா
இம்பாக்ட் வீரர்கள்: அபினவ் மனோகர், சச்சின் பேபி, ராகுல் சாஹர், வியான் முல்டர், முகமது ஷமி
மும்பை இந்தியன்ஸ் பிளேயிங் லெவன்: ரியான் ரிக்கல்டன், வில் ஜாக்ஸ், சூர்யகுமார் யாதவ், திலக் வர்மா, ஹர்திக் பாண்டியா(கேப்டன்), நமன் திர், மிட்செல் சான்ட்னர், தீபக் சாஹர், டிரென்ட் போல்ட், ஜஸ்பிரிட் பும்ரா, விக்னேஷ் புத்தூர்
Also Read: LIVE Cricket Score
இம்பாக்ட் வீரர்கள்: ரோஹித் சர்மா, கார்பின் போஷ், ராஜ் பாவா, சத்யநாராயண ராஜு, ராபின் மின்ஸ்
Win Big, Make Your Cricket Tales Now
