ENG vs NZ, 1st Test: மேஜிசனாக மாறிய ரூட்; வைரலாகும் காணொளி!
இங்கிலாந்து அணி வீரர் ஜோ ரூட்டின் பேட் மட்டும் களத்தில் தனியாக நின்றுக்கொண்டிருந்த காணொளி ரசிகர்களை ஆச்சரியப்பட வைத்துள்ளது.
முதல் இன்னின்ஸில் 141 ரன்களுக்கு சுருண்ட இங்கிலாந்து அணியை, 2ஆவது இன்னிங்ஸில் வெற்றிக்கு அழைத்துச் சென்றவர் ஜோ ரூட். 277 ரன்கள் என்ற இலக்கை நோக்கி களமிறங்கிய அந்த அணியில் முன்னணி வீரர்கள் ஏமாற்றினர். எனினும் தூண் போன்று நின்ற ஜோ ரூட் 170 பந்துகளை சந்தித்து 12 பவுண்டர்களுடன் 115 ரன்களை அடித்து அசத்தினார். இதன் மூலம் இங்கிலாந்து வெற்றி பெற்றது.
Trending
இந்நிலையில் ரூட்டின் பேட்டிங்கை விட, அவரின் பேட் தான் அதிக கவனம் பெற்றுள்ளது. 2ஆவது இன்னிங்ஸின் போது நான் ஸ்ட்ரைக்கரில் நின்றுக்கொண்டிருந்த ஜோ ரூட் , தனது பேட்டை கையில் இருந்து அப்படியே விட்டுவிட்டார். ஆனால் பேட் கீழே விழாமல் தானாக நேராக நின்றுக்கொண்டிருந்தது. பேட்டில் எந்தவித அசைவுகளும் இல்லை.
வழக்கமாக பேட்ஸ்மேன்கள் தங்களது கைகளில் பேட்டை பிடித்துக்கொண்டிருப்பார்கள். ஜோ ரூட் மட்டும், தனது பேட்டை அதுவாக நிற்பது போன்று வைத்துவிட்டு, ரன் ஓடும் போது மட்டும் எடுத்துக்கொண்டார். இதனை பார்த்த ரசிகர்கள் ஆச்சரியத்தில் உறைந்தனர். அவர் அப்படி என்ன மேஜிக் செய்கிறார் என குழம்பினர். அவரின் பேட்டை மட்டும் அடிப்பகுதியில் தட்டையாக செய்துவிட்டனரா என்றும் கேள்வி எழுப்பி வருகின்றனர்.
I knew @root66 was talented but not as magic as this……. What is this sorcery? @SkyCricket #ENGvNZ pic.twitter.com/yXdhlb1VcF
— Ben Joseph (@Ben_Howitt) June 5, 2022
இங்கிலாந்து அணியின் தொடர் சொதப்பல் காரணமாக, கேப்டன் பதவியில் இருந்து ஜோ ரூட் நீக்கப்பட்டார். எனினும் அதனை பெரிதாக எடுத்துக்கொள்ளாமல் பேட்டிங்கில் தனது திறமையை காட்டி வருகிறார். இந்த முதல் டெஸ்ட் போட்டியில் சதமடித்தது மூலம், இங்கிலாந்து கிரிக்கெட் வரலாற்றில் 10,000 டெஸ்ட் ரன்களை அடித்த 2ஆவது வீரர் என்ற பெருமையை பெற்றார் என்பது குறிப்பிடத்தக்கது.
Win Big, Make Your Cricket Tales Now
