சுழற்பந்து வீச்சாளராக மாறிய கீரன் பொல்லார்ட்; வைரல் காணொளி!
கயானா அமேசன் வாரியர்ஸ் அணிக்கு எதிரான சிபிஎல் லீக் போட்டியில் டிரின்பாகோ நைட் ரைடர்ஸ் அணி கேப்டன் கீரன் பொல்லார்ட் சுழற்பந்து வீச்சாளராக பந்துவீசிய காணொளி வைரலாகி வருகிறது.
அதன்படி களமிறங்கிய டிரின்பாகோ நைட் ரைடர்ஸ் அணியானது நிக்கோலஸ் பூரானின் அபாரமான சதத்தின் மூலம் 20 ஓவர்கள் முடிவில் 5 விக்கெட்டுகளை மட்டுமே இழந்து 211 ரன்களைச் சேர்த்தது. இதில் அதிகபட்சமாக நிக்கோலஸ் பூரன் 101 ரன்களையும், ஜேசன் ராய் 34 ரன்களையும் சேர்த்தனர். கயானா அமேசன் வாரியர்ஸ் அணி தரப்பில் சிறப்பான பந்துவீச்சை வெளிப்படுத்திய ஷமார் ஜோசப் 3 விக்கெட்டுகளை கைப்பற்றி அசத்தினார்.
Trending
இதனையடுத்து இமாலய இலக்கை நோக்கி களமிறங்கிய கயானா அணியில் ரஹ்மனுல்லா குர்பாஸ் 36 ரன்களையும், ஷாய் ஹோப் 28 ரன்களையும், குடகேஷ் மோட்டி 26 ரன்களையும், இம்ரான் தாஹிர் 20 ரன்களையும் சேர்த்ததை தவிர்த்து மற்ற வீரர்கள் அனைவரும் அடுத்தடுத்து சொற்ப ரன்களுக்கு விக்கெட்டை இழந்து பெவிலியன் திரும்பினர். இதனால் கயானா அணியானது 18.5 ஓவர்களில் அனைத்து விக்கெட்டுகளையும் இழந்து 137 ரன்களுக்கு ஆல் அவுட்டானது.
டிரின்பாகோ நைட் ரைடர்ஸ் அணி தரப்பில் நாதன் எட்வர்ட்ஸ், டெர்ரன்ஸ் ஹிண்ட்ஸ், வக்கார் சலாம்கெயில் ஆகியோர் தலா 3 விக்கெட்டுகளை கைப்பற்றினர். இதன்மூலம் டிரின்பாகோ நைட் ரைடர்ஸ் அணியானது 74 ரன்கள் வித்தியாசத்தில் கயானா அமேசன் வாரியர்ஸ் அணியை வீழ்த்தி அபார வெற்றியைப் பதிவுசெய்து அசத்தியது. இப்போட்டியில் சதமடித்து அசத்திய நிக்கோலஸ் பூரன் ஆட்டநாயகன் விருதை வென்றார்.
— Cricket Cricket (@cricket543210) September 30, 2024
Also Read: Funding To Save Test Cricket
இந்நிலையில் இப்போட்டியில் நைட் ரைடர்ஸ் அணியின் கேப்டன் கீரன் பொல்லார்ட் சுழற்பந்துவீச்சை பயன்படுத்திய நிகழ்வு ரசிகர்களின் கவனத்தை ஈர்த்துள்ளது. அதன்படி இன்னிங்ஸின் 19ஆவது ஓவரை வீச வந்த கீரன் பொல்லார்ட் வழக்கமாக வேகப்பந்து வீச்சிற்கு பதிலாக சுழற்பந்து வீச்சளராக மாறி பந்துவீசினார். இதனை சற்றும் எதிர்பாராத பேட்டர்களும் ஒருகணம் குழப்பத்தில் ஆழ்ந்தனர். இந்நிலையில் கீரன் பொல்லார்ட் சுழற்பந்து வீச்சாளராக பந்துவீசிய காணொளி இணையத்தில் வைரலாகி வருகிறது.
Win Big, Make Your Cricket Tales Now
