BAN vs IND, 1st ODI: டாப் ஆர்டரை இழந்து தவிக்கும் இந்திய அணி!
வங்கதேச அணிக்கெதிரான முதல் ஒருநாள் போட்டியில் இந்திய அணியின் முதன்மை வீரர்கள் தவான், ரோஹித், விராட் கோலி, ஸ்ரேயாஸ் ஐயர் ஆகியோர் அடுத்தடுத்து சொற்ப ரன்களுக்கு ஆட்டமிழந்தனர்.
சமீபத்தில் நியூசிலாந்து அணியுடன் ஒருநாள் மற்றும் டி20 போட்டிகள் விளையாடியது. இதில் டி20 தொடரை இந்தியா வெற்றது. ஒரு நாள் தொடரை நியூசிலாந்து அணி வென்றது. இந்நிலையில், வங்கதேசம் அணியுடனான ஒரு நாள் போட்டி இன்று தொடங்குகிறது. 2ஆவது போட்டி டிசம்பர் 7-ம் தேதியும், 3ஆவது போட்டி டிசம்பர் 10ஆம் தேதியும் நடைபெறுகிறது.
Trending
இந்நிலையில் இன்றைய போட்டியில் டாஸ் வென்ற வங்கதேச அணி முதலில் பந்துவீச தீர்மானித்தது. இந்திய அணியில் தொடக்க வீரர்களாக கேப்டன் ரோகித் ஷர்மா- ஷிகர்தவான் களமிறங்கினர். ரோஹித் 27 ரன்களிலும், தவான் 7 ரன்களிலும் ஆட்டமிழந்தனர். அடுத்து வந்த கோலி 9 ரன்களில் வெளியேறி ரசிகர்களுக்கு பேரதீர்ச்சி கொடுத்தார். அதிலும் ரோஹித் மற்றும் விராட் கோலி இருவரும் ஷாகிப் அல் ஹசனின் ஒரே ஓவரில் விக்கெட்டை இழந்தது குறிப்பிடத்தக்கது.
— Bleh (@rishabh2209420) December 4, 2022
அதன்பின் கேஎல் ராகுலுடன் இணை நிதான ஆட்டத்தை வெளிப்படுத்திய ஸ்ரேயஸ் ஐயரும் 24 ரன்களில் ஆட்டமிழந்து பெவிலியனுக்கு திரும்பினார். இதனால் 100 ரன்களுக்கு உள்ளேவே இந்திய அணி 4 விக்கெட்டுகளை இழந்து தடுமாறியது. இதையடுத்து கேஎல் ராகுலுடன் ஜோடி சேர்ந்த வாஷிங்டன் சுந்தர் நிதான ஆட்டத்தை வெளிப்படுத்தி வருகிறார்.
Win Big, Make Your Cricket Tales Now
