Advertisement
Advertisement
Advertisement

குடும்பத்துடன் சென்னை வந்த தோனி; உற்சாக வரவேற்பளித்த ரசிகர்கள்! 

சிஎஸ்கே அணியின் கேப்டன் எம்எஸ் தோனி தயாரித்துள்ள படத்தின் இசை வெளியீட்டு விழாவில் பங்கேற்பதற்காக குடும்பத்தினருடன் சென்னை வந்த அவருக்கு ரசிகர்கள் உற்சாக வரவேற்பு அளித்துள்ளனர்.

Bharathi Kannan
By Bharathi Kannan July 10, 2023 • 13:15 PM
Watch- MS Dhoni Given Blockbuster Welcome in Chennai!
Watch- MS Dhoni Given Blockbuster Welcome in Chennai! (Image Source: Google)
Advertisement

ஐபிஎல் தொடர் தொடங்கப்பட்டதில் இருந்து சென்னை அணியின் கேப்டனாக செயல்பட்டு வருபவர் எம்எஸ் தோனி. இவரது தலைமையில் சென்னை அணி 5 முறை கோப்பையை வென்று சாதனை படைத்தது. அதுமட்டுமல்லாமல் அண்மையில் 42ஆவது பிறந்தநாளை கொண்டாடிய எம்எஸ் தோனி, திடீரென குடும்பத்தினருடன் சென்னை வந்துள்ளார்.

தோனி மற்றும் அவரது மனைவி சாக்‌ஷி தோனி இருவரும் இணைந்து தொடங்கிய தோனி எண்டர்டெயின்மென்ட் நிறுவனத்தின் தயாரிப்பில் உருவாகும் முதல் திரைப்படம் 'எல்.ஜி.எம்'. அறிமுக இயக்குநர் ரமேஷ் தமிழ்மணி இயக்கத்தில் தயாராகும் இந்த திரைப்படத்தில் ஹரிஷ் கல்யாண், லவ் டுடே நாயகி இவானா, நதியா, யோகி பாபு உள்ளிட்ட பலர் நடித்துள்ளனர்.

Trending


அண்மையில் இந்தப் படத்தின் படப்பிடிப்பு முடிவடைந்து டீசர் வெளியிடப்பட்டது. ரசிகர்களிடையே வரவேற்பை பெற்ற நிலையில், இதன் இசை வெளியீட்டு நாளை நடப்பதாக அறிவிக்கப்பட்டுள்ளது. இதில் பங்கேற்பதற்காக சிஎஸ்கே அணியின் கேப்டன் எம்எஸ் தோனி மற்றும் அவரது மனைவி சாக்‌ஷி இருவரும் சென்னை வந்துள்ளனர்.

இதற்காக சென்னை விமான நிலையத்தில் வந்திறங்கிய தோனிக்கு ரசிகர்கள் உற்சாகமாக வரவேற்பு அளித்துள்ளனர். நூற்றுக்கணக்கான ரசிகர்கள் ஒன்றுகூடி தோனி.. தோனி.. என்று கரகோஷம் எழுப்பினர். இதையடுத்து பாதுகாப்பு அதிகாரிகள் சூழ தோனி சென்னை விமான நிலையத்தில் இருந்து வெளியேறினார். ஐபிஎல் தொடருக்கு பின் தோனி முதல்முறையாக சென்னை வந்துள்ளார்.

 

இதனால் நாளை நடக்கவுள்ள எம்ஜிஎம் படத்தின் விழா மீதான எதிர்பார்ப்பு எகிறியுள்ளது. அதேபோல் ஐபிஎல் தொடரில் காயமடைந்த தோனிக்கு மும்பையில் அறுவை சிகிச்சை செய்யப்பட்டது. அந்த காயத்தில் இருந்து முழுமையாக தோனி குணமடைந்துள்ளதால், ஐபிஎல் தொடரின் அடுத்த சீசனில் விளையாடுவது குறித்த அப்டேட்டை வெளியிடுவார் என்றும் எதிர்பார்க்கப்படுகிறது.


Win Big, Make Your Cricket Tales Now

Cricket Scorecard

Advertisement