டேவிட் வார்னரைக் க்ளீன் போல்டாக்கிய நசீம் ஷா - காணொளி!
இஸ்லாமாபாத் யுனைடெட் அணியின் வேகப்பந்து வீச்சாளர் நசீம் ஷா தனது அபாரமான பந்துவீச்சின் மூலம் கராச்சி கிங்ஸின் கேப்டன் டேவிட் வார்னரை க்ளீன் போல்டாக்கிய காணொளி வைரலாகியுள்ளது.
அதன்படி களமிறங்கிய கராச்சி கிங்ஸ் அணியானது தொடக்கம் முதலே சீரான இடைவேளையில் விக்கெட்டுகளை இழந்ததன் காரணமாக, 20 ஓவர்கள் முடிவில் 7 விக்கெட் இழப்பிற்கு 127 ரன்களைச் சேர்த்தது. அந்த அணியில் அதிகபட்சமாக டிம் செஃபெர்ட் 30 ரன்களையும், அப்பாஸ் அஃப்ரிடி 24 ரன்களையும் சேர்த்தனர். இஸ்லாமாபாத் யுனைடெட் தரப்பில் நசீம் ஷா, ஜேசன் ஹோல்ட, ஷதாப் கான் தலா 2 விக்கெட்டுகளை கைப்பற்றினர்.
பின்னர் இலக்கை நோக்கி விளையாடிய இஸ்லாமாபாத் யுனைடெட் அணியில் கேப்டன் ஷதாப் கான் 47 ரன்களையும், அசாம் கான் 31 ரன்களையும், ஷாஹிப்சதா ஃபர்ஹான் 30 ரன்களையும் சேர்த்து அணிக்கு வெற்றியைத் தேடிக்கொடுத்தனர். இதன்மூலம் இஸ்லாமாபாத் யுனைடெட் அணியானது 17.1 ஓவர்களில் இலக்கை எட்டியதுடன் கராச்சி கிங்சை 6 விக்கெட் வித்தியாசத்தில் வீழ்த்தி வெற்றிபெற்றது. மேலும் இப்போட்டியில் சிறப்பான ஆட்டத்தை வெளிப்படுத்திய ஷதாப் கான் ஆட்டநாயகன் விருதை வென்றார்.
இந்நிலையில் இப்போட்டியில் இஸ்லாமாபாத் யுனைடெட் அணியின் வேகப்பந்து வீச்சாளர் நசீம் ஷா தனது அபாரமான பந்துவீச்சின் மூலம் கராச்சி கிங்ஸின் கேப்டன் டேவிட் வார்னரை க்ளீன் போல்டாக்கினார். அதன்படி இன்னிங்ஸின் இரண்டாவது ஓவரை நசீம் ஷா வீசிய நிலையில், டேவிட் வார்னர் களத்தில் இருந்தார். அப்போது ஓவரின் இரண்டாவது பந்தை எதிர்கொண்ட டேவிட் வார்னர் அதனை தடுத்து விளையாடும் முயற்சியில் ஈடுப்பட்டார்.
The showdown has just begun with a good start for Sherus!
— PakistanSuperLeague (@thePSLt20) April 20, 2025
As Naseem Shah sends David Warner walking #HBLPSLX I #ApnaXHai I #KKvIU pic.twitter.com/xt27lYVT9m
Also Read: LIVE Cricket Score
ஆனால் அந்த பந்து இன்ஸ்விங் ஆனதன் காரணமாக டேவிட் வார்னர் பந்தை முழுமையாக தவறவிட்டதுடன் க்ளீன் போல்டும் ஆனார். இதனால் இந்த ஆட்டத்தில் பெரிதும் எதிர்பார்க்கப்பட்ட டேவிட் வார்னர் 3 ரன்களை மட்டுமே எடுத்த கையோடு பெவிலியனுக்கு நடையைக் கட்டினார். இந்நிலையில் டேவிட் வார்னரை தனது அபாரமான பந்துவீசின் மூலம் நசீம் ஷா க்ளீன் போல்டாக்கிய காணொளி இணையத்தில் வைரலாகி வருகிறது.
Win Big, Make Your Cricket Tales Now
