புதிய முயற்சியில் சஞ்சு சாம்சன்; ‘இவரையும் மாத்திட்டாங்களே’!!
ராஜஸ்தான் ராயல்ஸ் அணி தங்களது ட்விட்டர், இன்ஸ்டாகிராம் பக்கத்தில் சஞ்சு சாம்சன் பந்துவீசும் காணொளியை வெளியிட்டுள்ளது.
அக்டோபர் இறுதியில் ஆஸ்திரேலியாவில் துவங்கும் டி20 உலகக் கோப்பை தொடருக்காக அனைத்து கிரிக்கெட் வாரியங்களும் தீவிரமாக தயாராகி வருகிறது. இந்திய அணித் தேர்வுக்குழுவும் வீரர்களை தேர்வு செய்வதில் தீவிரம் காட்டி வருகிறது. கடந்த டி20 உலகக் கோப்பையுடன் லீக் சுற்றுடன் திரும்பியதால், இம்முறை நிச்சயம் கோப்பையை வெல்ல வேண்டும் என்ற நோக்கில், ஐபிஎல் 15ஆவது சீசனுக்குப் பிறகு இந்திய அணி இரண்டாக பிரிக்கப்பட்டு அனைவருக்கும் வாய்ப்பு வழங்கப்பட்டு வருகிறது.
அப்படி கிடைத்த வாய்ப்பில் தினேஷ் கார்த்திக், தீபக் ஹூடா, அர்ஷ்தீப் சிங் போன்றவர்கள் தொடர்ந்து சிறப்பாக செயல்பட்டு அசத்தி வருகின்றனர். இதில் தினேஷ் கார்த்திக்கின் இடம் கிட்டதட்ட உறுதியாகிவிட்டது. தீபக் ஹூடா அதிரடியாக பேட்டிங் செய்து, ரன்களை குவிக்க தடுமாறிக்கொண்டிருக்கும் கோலியின் இடத்தை பிடிக்க போராடி வருகிறார். ஹூடாவால் ஒருசில ஓவர்களையும் வீச முடியும் என்பால், ஹூடாவுக்குத்தான் அதிக முக்கியத்துவம் தரப்படும் எனக் கருதப்படுகிறது.
Trending
மறுபக்கம் சாம்சனும் ஹூடா அளவுக்கு சிறப்பாக பேட்டிங் செய்யக் கூடியவராகத்தான் இருக்கிறார். இருப்பினும், இவர் விக்கெட் கீப்பர் பேட்ஸ்மேன் என்பதாலும் அணியில் ஏற்கனவே கேஎல்ராகுல், தினேஷ் கார்த்திக், ரிஷப் பந்த், இஷான் கிஷன் போன்றவர்களுக்கு இடையில் கடும் போட்டி இருப்பதாலும், சாம்சனுக்கு அவ்வபோது மட்டுமே வாய்ப்பு கிடைத்து வருகிறது.
அப்படி வாய்ப்பு கிடைத்தாலும் விக்கெட் கீப்பராக இல்லாமல் ஒரு பீல்டராக மட்டுமே இருக்கிறார். இதனால், வெறுத்துப்போன சாம்சன் தற்போது புது திட்டத்தை கையில் எடுத்துள்ளார்.
ஆம், தீபக் ஹூடாவைப் போல பந்துவீசி பயிற்சி செய்து வருவதாக தகவல் வெளியாகியுள்ளது. இதுகுறித்து ராஜஸ்தான் ராயல்ஸ் அணியின் ட்விட்டர், இன்ஸ்டாகிராம் பக்கத்தில் ரசிகர்கள் தொடர்ந்து கேள்வி எழுப்பி வந்த நிலையில், தற்போது சாம்சன் பந்துவீசும் காணொளியை ராஜஸ்தான் ராயல்ஸ் அணி நிர்வாகம் வெளியிட்டு, அதனை உறுதிப்படுத்தியுள்ளது.
@ashwinravi99, rate this off-spinner? pic.twitter.com/aQPXy0sqBP
— Rajasthan Royals (@rajasthanroyals) August 5, 2022
இதன்மூலம், அடுத்து ஐபிஎல் 16ஆவது சீசனில் அவர் பந்துவீசினாலும் ஆச்சரியப்படுவதற்கு இல்லை என கிரிக்கெட் விமர்சகர்கள் கருதுகிறார்கள். இந்திய அணியில் இடம் பிடிக்க ஏற்கனவே கடும் போட்டி நிலவி வரும் நிலையில், இடம் கிடைக்காத வீரர்கள் இப்படி புது முயற்சியை கையில் எடுத்து சான்ஸ் கேட்பது பிசிசிஐக்கு அதிர்ச்சியை ஏற்படுத்தும் விஷயமாக அமைந்துள்ளது.
Win Big, Make Your Cricket Tales Now
