WBBL 2024: ஹீலி மேத்யூஸ் அரைசதம்; பிரிஸ்பேன் அணிக்கு 142 ரன்கள் இலக்கு!
மகளிர் பிக் பேஷ் லீக் 2024: பிரிஸ்பேன் ஹீட் அணிக்கு எதிரான இறுதிப்போட்டியில் முதலில் பேட்டிங் செய்த மெல்போர்ன் ரெனிகேட்ஸ் அணி 142 ரன்களை இலக்காக நிர்ணயித்துள்ளது.
ஆஸ்திரேலியாவில் நடைபெற்று வந்த மகளிர் பிக் பேஷ் லீக் டி20 தொடரின் நடப்பு சீசன் இறுதிக்கட்டத்தை எட்டியுள்ளது. இத்தொடரின் இறுதிப்போட்டிக்கு மெல்போர்ன் ரெனிகேட்ஸ் மற்றும் பிரிஸ்பேன் ஹீட் அணிகள் முன்னேறின. அந்தவகையில் இவ்விரு அணிகளுக்கும் இடையேயான இறுதிப்போட்டியானது இன்று மெல்போர்ன் கிரிக்கெட் மைதானத்தில் நடைபெற்றது. இப்போட்டியில் டாஸ் வென்ற பிரிஸ்பேன் அணி முதலில் பந்துவீசுவதாக அறிவித்தது.
அதன்படி களமிறங்கியா மெல்போர்ன் ரெனிகேட்ஸ் அணிக்கு ஹீலி மேத்யூஸ் - கர்ட்னி வெப் இணை தொடக்கம் கொடுத்தனர். இதில் ஹீலி மேத்யூஸ் ஒருபக்கம் அதிரடியாக விளையாட, மறுமுனையில் கர்ட்னி வெப் 9 ரன்களில் விக்கெட்டை இழந்து நடையைக் கட்டினார். அவரைத்தொடர்ந்து களமிறங்கிய கேப்டன் சோஃபி மோலினக்ஸ் 6 ரன்களிலும், டியண்டிரா டோட்டின் ரன்கள் ஏதுமின்றியும் என அடுத்தடுத்து விக்கெட்டுகளை இழந்து பெவிலியனுக்கு நடையைக் கட்டினர். இதனால் மெல்போர்ன் அணி 23 ரன்களிலேயே 3 விக்கெட்டுகளை இழந்து தடுமாறியது.
Trending
பின்னர் ஹீலி மேத்யூஸுடன் இணைந்த ஜார்ஜிய வெர்ரம் ஓரளவு தாக்குப்பிடித்து அணியின் ஸ்கோரை உயர்த்தும் முயற்சியில் இறங்கினர். இதில் சிறப்பான ஆட்டத்தை வெளிப்படுத்தி வந்த ஹீலி மேத்யூஸ் தனது அரைசதத்தைப் பதிவுசெய்து அசத்தினார். அதேசமயம் மறுமுனையில் நிதான ஆட்டத்தை வெளிப்படுத்தி வந்த ஜார்ஜியா வெர்ரம் 21 ரன்களை எடுத்திருந்த நிலையில் விக்கெட்டை இழந்தார். அவரைத் தொடர்ந்து களமிறங்கிய நவோமி ஸ்டாலன்பெர்க் தனது பங்கிற்கு 16 ரன்களைச் சேர்த்து நடையைக் கட்ட, அடுத்து வந்த நிக்கோல் ஃபல்டும் 2 ரன்னிலும், ஜார்ஜிய ஒரு ரன்னிலும் என ஆட்டமிழந்தனர்.
Also Read: Funding To Save Test Cricket
ஒருபக்கம் விக்கெட்டுகள் சரிந்த நிலையிலும், மறுமுனையில் தொடர்ந்து அபாரமான ஆட்டத்தை வெளிப்படுத்தி வந்த ஹீலி மேத்யூஸ் 8 பவுண்டரிகளுடன் 69 ரன்களைச் சேர்த்து தனது விக்கெட்டை இழந்தார். இதனால் மெல்போர்ன் ரெனிகேட்ஸ் அணி 20 ஓவர்கள் முடிவில் 9 விக்கெட்டுகளை இழந்து 141 ரன்களைச் சேர்த்தது. பிரிஸ்பேன் ஹீட் அணி தரப்பில் கார்லி காட் 3 விக்கெட்டுகளையும், கிரேஸ் பர்சன்ஸ் 2 விக்கெட்டுகளையும் கைப்பற்றினர்.
Win Big, Make Your Cricket Tales Now
