டி20 உலகக்கோப்பையை இந்த அணி தான் கையிலேந்தும் - டேரன் சமி உறுதி!
டி20 உலக கோப்பையை வெஸ்ட் இண்டீஸ் அணி கண்டிப்பாக வெல்லும் என்று அந்த அணியின் முன்னாள் கேப்டன் டேரன் சமி தெரிவித்துள்ளார்.
இந்தியா, இங்கிலாந்து, வெஸ்ட் இண்டீஸ் ஆகிய அணிகள் கோப்பையை வெல்ல அதிக வாய்ப்புள்ள அணிகளாக பார்க்கப்படுகின்றன. உலக கோப்பை நடக்கும் ஐக்கிய அரபு அமீரக கண்டிஷன் பாகிஸ்தானுக்கு நன்கு பழக்கப்பட்டது என்பதால் அந்த அணியும் சிறப்பாக ஆடும் என்றும் மதிப்பிடப்படுகிறது.
Trending
ஆனாலும் இந்தியா, இங்கிலாந்து மற்றும் வெஸ்ட் இண்டீஸ் ஆகிய 3 அணிகளுக்குமே கோப்பையை வெல்லும் வாய்ப்பு அதிகமுள்ளது. இதுவரை ஒரு ஐசிசி கோப்பையைக்கூட வென்றதில்லை என்ற விமர்சனத்தை உடைத்தெறிய இந்த கோப்பையை வென்றே தீர வேண்டும் என்ற தீவிரத்தில் விராட் கோலி உள்ளார் .
ரோஹித், ராகுல், கோலி, ரிஷப், சூர்யகுமார் யாதவ் என இந்திய அணி அதிரடியான பேட்டிங் ஆர்டரையும், பும்ரா, புவனேஷ்வர் குமார், ஷமி, தீபக் சாஹர் என மிரட்டலான பந்துவீச்சாளர்களையும் பெற்று இந்திய அணி வலுவாக திகழ்கிறது.
ஈயன் மோர்கன் தலைமையிலான இங்கிலாந்து அணி, டி20 கிரிக்கெட்டில் சிறப்பாக விளையாடி வருகிறது. 2019ஆம் ஆண்டில் முதல் முறையாக ஒருநாள் கிரிக்கெட் உலக கோப்பையை வென்ற இங்கிலாந்து அணி, டி20 உலக கோப்பையையும் வெல்லும் முனைப்பில் உள்ளது.
பொல்லார்டு, கெய்ல், பிராவோ, ஆண்ட்ரே ரசல் என டி20 கிரிக்கெட்டில் நீண்ட நெடிய அனுபவம் கொண்ட மிரட்டலான அதிரடி வீரர்களை பெற்றுள்ள வெஸ்ட் இண்டீஸ் அணி, டி20 கிரிக்கெட்டில் எப்போதுமே டாப் கிளாஸ் அணி. பூரன், ஹெட்மையர் ஆகிய இளம் அதிரடி வீரர்களையும் பெற்றுள்ள வெஸ்ட் இண்டீஸ் அணியும் கோப்பையை வெல்ல வாய்ப்புள்ள அணியாக பார்க்கப்படுகிறது.
கேன் வில்லியம்சன் தலைமையிலான நியூசிலாந்து அணியும் கடந்த சில ஆண்டுகளாக சிறந்த ஆட்டத்தை வெளிப்படுத்தி வருகிறது. எனவே டி20 உலக கோப்பையில் போட்டி மிகக்கடுமையாக இருக்கும் என்பதில் சந்தேகமில்லை.
இந்நிலையில், 2016ஆம் வெஸ்ட் இண்டீஸுக்கு டி20 உலக கோப்பையை வென்று கொடுத்த கேப்டனான டேரன் சமியிடம் இந்த டி20 உலக கோப்பையை எந்த அணி வெல்லும் என்று கேட்டதற்கு, வெஸ்ட் இண்டீஸ் தான் ஜெயிக்கும் என்று திட்டவட்டமாக தெரிவித்துவிட்டார்.
இதுகுறித்து பேசிய டேரன் சமி, “நடப்பாண்டு டி20 உலகக்கோப்பையை வெஸ்ட் இண்டீஸ் அணி தான் வெல்லும். இதை நான் சொன்னால் ஒருதலைபட்சமாக நான் பேசுகிறேன் என்று நினைக்கலாம். ஆனால், கடைசி 3 தொடர்களை பாருங்கள். 3 தொடர்களிலும் அரையிறுதிக்கு முன்னேறியிருந்தோம். அவற்றில் 2 முறை கோப்பையை வென்றோம்.
கேப்டன் பொல்லார்டு கம்பேக் கொடுத்திருக்கிறார். யுனிவர்ஸ் பாஸ் கெய்ல், ஆண்ட்ரே ரசல், ஜேசன் ஹோல்டர், ஃபேபியன் ஆலன், எவின் லூயிஸ் என அதிரடியான, அபாயகரமான வீரர்களை கொண்ட அணி வெஸ்ட் இண்டீஸ்” என்று தெரிவித்துள்ளார்.
Win Big, Make Your Cricket Tales Now
