WI vs IND 1st Test: 13 பேர் கொண்ட வெஸ்ட் இண்டீஸ் அணி அறிவிப்பு!

இந்திய அணிக்கெதிரான முதல் டெஸ்ட் போட்டியில் விளையாடும் 13 பேர் கொண்ட வெஸ்ட் இண்டீஸ் அணி அறிவிக்கப்பட்டுள்ளது.

West Indies announce selection surprise for first India Test! (Image Source: Google)

ஆரம்ப காலங்களில் உலகக் கிரிக்கெட்டில் தனி ஆதிக்கத்தை செலுத்தி வந்த வெஸ்ட் இண்டீஸ் கிரிக்கெட் படிப்படியாக சரிந்து இன்று மிக மோசமான நிலைக்கு தள்ளப்பட்டு இருக்கிறது. அந்த அணி தொடர்ச்சியாக டி20 உலகக்கோப்பை மற்றும் ஒரு நாள் கிரிக்கெட் உலக கோப்பை இரண்டுக்குமான தகுதிச் சுற்று போட்டிகளில் தோல்வி அடைந்து வெளியேறி இருக்கிறது.

ஜிம்பாப்வே நாட்டில் தற்பொழுது நடந்து வரும் ஒருநாள் கிரிக்கெட் உலகக் கோப்பைக்கான தகுதிச் சுற்றில் ஜிம்பாப்வே மற்றும் நெதர்லாந்து ஆகிய இரண்டு அணிகளிடமும் லீக் சுற்றில் தோல்வி அடைந்து அதிர்ச்சி அளித்தது.  இதற்கு அடுத்து சூப்பர் 6 ரவுண்டுக்கு வந்த வெஸ்ட் இண்டீஸ் அணி ஸ்காட்லாந்து மற்றும் இலங்கை ஆகிய அணிகளிடம் தோல்வி அடைந்து பரிதாபமாக ஒருநாள் கிரிக்கெட் உலகக் கோப்பை தொடருக்கான வாய்ப்பில் இருந்து வெளியேறியது.

இதற்கு அடுத்து உள்நாட்டில் வலிமையான இந்திய அணிக்கு எதிராக மூன்று வடிவிலான கிரிக்கெட் தொடர்களிலும் விளையாட இருக்கிறது. ஒரு பெரிய தோல்வியை மறந்து உடனடியாக ஒரு பெரிய வலிமையான அணிக்கு எதிராக விளையாட வேண்டிய சூழ்நிலையில் வெஸ்ட் இண்டீஸ் இருக்கிறது. இந்தியாவுக்கு எதிராக உள்நாட்டில் முதலில் இரண்டு டெஸ்ட் போட்டிகள் கொண்ட தொடரில் வெஸ்ட் இண்டீஸ் விளையாடுகிறது. இதன் முதல் போட்டி டொமினிக்காவில் வருகின்ற 12ஆம் தேதி தேதி நடைபெற இருக்கிறது. நட்சத்திர வீரர்கள் உலகக்கோப்பை தகுதி சுற்றில் இருந்து நாடு திரும்பியிருக்கிறார்கள்.

இந்த நிலையில் இந்தியாவுக்கு எதிரான முதல் டெஸ்ட் போட்டிக்கு எப்படியான வெஸ்ட் இண்டீஸ் அணி அமைக்கப்படும் என்பது எல்லோருக்கும் ஒரு எதிர்பார்ப்பான விஷயமாக இருந்து வருகிறது. அவர்களிடம் இதற்கான வீரர்கள் இருக்கிறார்களா அவர்கள் தொடர்ந்து டெஸ்ட் கிரிக்கெட்டில் இருப்பார்களா என்பதெல்லாம் தற்பொழுது பேச்சாக மாறியிருக்கிறது.

இந்நிலையில் இந்தியாவுக்கு எதிரான முதல் டெஸ்ட் போட்டியில் விளையாடும் 13 பேர் கொண்ட வெஸ்ட் இண்டீஸ் அணி அறிவிக்கப்பட்டுள்ளது. இதில் குடகேஷ் மோட்டி காயமடைந்துள்ளதால் அவருக்கு பதிலாக ரஹ்கீம் கார்ன்வால் அணியில் சேர்க்கப்பட்டுள்ளார். 

வெஸ்ட் இண்டீஸ் அணி: கிரேக் பிராத்வைட் (கேப்டன்), ஜெர்மைன் பிளாக்வுட் (துணை கேப்டன்), அலிக் அதானகே, தேஜ்னரைன் சந்தர்பால், ரஹ்கீம் கார்ன்வால், ஜோசுவா டா சில்வா, ஷானன் கேப்ரியல், ஜேசன் ஹோல்டர், அல்ஸாரி ஜோசப், கிர்க் மெக்கென்சி, ரேமன் ரெய்ஃபர், கீமார் ரோச், ஜோமல் வாரிக்கன்.

Win Big, Make Your Cricket Tales Now