சர்வதேச கிரிக்கெட்டில் இருந்து ஓய்வை அறிவித்த நிக்கோலஸ் பூரன்; ரசிகர்கள் அதிர்ச்சி!
சர்வதேச கிரிக்கெட்டில் இருந்து ஓய்வு பெறுவதாக வெஸ்ட் இண்டீஸ் அணியின் நட்சத்திர வீரர் நிக்கோலஸ் பூரன் அறிவித்துள்ளார்.
வெஸ்ட் இண்டீஸ் அணி தற்சமயம் இங்கிலாந்தில் சுற்றுப்பயணம் செய்து மூன்று போட்டிகள் கொண்ட டி20 தொடரில் விளையாடி வருகிறது. இந்த தொடரில் நடந்து முடிந்துள்ள இரண்டு போட்டிகளின் முடிவில் இங்கிலாந்து அணி வெற்றிபெற்றதுடன் 2-0 என்ற கணக்கில் தொடரையும் கைப்பற்றி அசத்தியுள்ளது. இதையடுத்து இரு அணிகளுக்கும் இடையேயான மூன்றாவது மற்றும் கடைசி டி20 போட்டியானது இன்று சௌத்தாம்ப்டனில் இன்று நடைபெறவுள்ளது.
அதன்பின் அயர்லாந்தில் சுற்றுப்பயணம் மேற்கொள்ளும் வெஸ்ட் இண்டீஸ் அணி மூன்று போட்டிகள் கொண்ட டி20 தொடரில் விளையாடவுள்ளது. முன்னதாக இத்தொடர்களுக்கான வெஸ்ட் இண்டீஸ் அணி அறிவிக்கப்பட்டிருந்த நிலையில், அதில் நட்சத்திர வீரர் நிக்கோலஸ் பூரனுக்கு ஓய்வளிக்கப்பட்டிருந்தது. மேலும் அவரே முன் வந்து இத்தொடர்களில் தனக்கு ஓய்வளிக்கும் படி கூறியதாக வெஸ்ட் இண்டீஸ் கிரிக்கெட் வாரியம் தெரிவித்திருந்தது.
இந்த நிலையில் சர்வதேச கிரிக்கெட்டில் இருந்து ஓய்வு பெறுவதாக நிக்கோலஸ் பூரன் இன்று அறிவித்துள்ளார். தற்போது 29 வயதேயாகும் நிக்கோலஸ் பூரன் திடீரென சர்வதேச கிரிக்கெட்டில் இருந்து ஓய்வை அறிவித்திருப்பது ரசிகர்களை பெரும் அதிர்ச்சியில் ஆழ்த்தியுள்ளது. இதுகுறித்த அறிவிப்பை நிக்கோலஸ் பூரன் தந்து இன்ஸ்டாகிராம் பக்கத்தில் அறிவித்துள்ளார்.
அவரது இன்ஸ்டாகிராம் பதிவில், “நிறைய யோசித்த பிறகு, சர்வதேச கிரிக்கெட்டிலிருந்து ஓய்வு பெறுவதாக அறிவிக்க முடிவு செய்துள்ளேன். நாங்கள் விரும்பும் இந்த விளையாட்டு எனக்கு நிறைய கொடுத்துள்ளது, தொடர்ந்து கொடுக்கும் - மகிழ்ச்சி, நோக்கம், மறக்க முடியாத நினைவுகள் மற்றும் வெஸ்ட் இண்டீஸ் மக்களை பிரதிநிதித்துவப்படுத்தும் வாய்ப்பு வாய்ப்பை கொடுத்துள்ளது.
அந்த மெரூன் நிறத்தை அணிந்துகொள்வது, தேசிய கீதத்திற்காக நிற்பது, நான் ஒவ்வொரு முறையும் மைதானத்தில் கால் பதிக்கும் போது எனக்கு அனைத்தையும் கொடுத்தது. அது எனக்கு உண்மையிலேயே என்ன அர்த்தம் என்பதை வார்த்தைகளால் விவரிக்க கடினமாக உள்ளது. மேலும் வெஸ்ட் இண்டீஸ் அணியின் கேப்டனாக அணியை வழிநடத்தியது என்பது எனக்கு கிடைத்த மிகப்பெரும் கௌரவமாக பார்க்கிறேன். அது எனக்கு கிடைத்த பாக்கியம்.
Also Read: LIVE Cricket Score
எனது கிரிக்கெட் வாழ்க்கையின் இந்த சர்வதேச அத்தியாயம் முடிவடைந்தாலும், வெஸ்ட் இண்டீஸ் கிரிக்கெட் மீதான எனது காதல் ஒருபோதும் மங்காது” என்று தெரிவித்துள்ளார். வெஸ்ட் இண்டீஸ் அணிக்காக கடந்த 2016ஆம் ஆண்டு அறிமுகமான நிக்கோலஸ் பூரன் இதுநாள் வரையில் 61 ஒருநாள் போட்டிகளில் 1,983 ரன்களும், 106 டி20 போட்டிகளில் 2,275 ரன்களையும் குவித்துள்ளார். இதில் மூன்று சதங்களும், 24 அரைசதங்களும் அடங்கும்.
Win Big, Make Your Cricket Tales Now
