WI vs IND: வெஸ்ட் இண்டீஸ் அணியில் ஷிம்ரான் ஹெட்மையர் சேர்ப்பு!

இந்தியா அணியுடனான டி20 தொடருக்கான வெஸ்ட் இண்டீஸ் அணியில் அதிரடி வீரர் ஷிம்ரான் ஹெட்மையர் சேர்க்கப்பட்டுள்ளார்.

West Indies Welcomes Shimron Hetmyer For The T20I Series Against India (Image Source: Google)

வெஸ்ட் இண்டீஸிற்கு சுற்றுப்பயணம் மேற்கொண்டுள்ள இந்திய கிரிக்கெட் அணி, விண்டீஸ் அணியுடன் மூன்று ஒருநாள் போட்டிகள் மற்றும் ஐந்து டி20 போட்டிகள் கொண்ட தொடரில் பங்கேற்றுள்ளது.

இதில் முதலில் நடைபெற்ற ஒருநாள் தொடரை இந்திய அணி 3-0 என்ற கணக்கில் முழுமையாக கைப்பற்றிய நிலையில் இரு அணிகள் இடையேயான டி20 தொடர் இன்று துவங்குகிறது. இந்த தொடரின் முதல் போட்டி இன்று இரவு பிரையன் லாரா மைதானத்தில் நடைபெற உள்ளது.

இந்தநிலையில், இந்திய அணியுடனான டி20 தொடர் மற்றும் அதன்பிறகு நடைபெறும் நியூசிலாந்து அணியுடனான டி20 தொடருக்கான விண்டீஸ் அணியை அந்நாட்டு கிரிக்கெட் வாரியம் அறிவித்துள்ளது.

டி20 தொடருக்கான விண்டீஸ் அணியில் அதிரடி ஆட்டக்காரரான சிம்ரன் ஹெட்மயருக்கு மீண்டும் இடம் கொடுக்கப்பட்டுள்ளது. இது தவிர ஓடியன் ஸ்மித், டீவன் தாமஸ், ஹைடன் வால்ஸ், அல்ஜாரி ஜோசப், பிராண்டன் கிங், கெய்ல் மெயர்ஸ், ஜேசன் ஹோல்டர் போன்ற வீரர்களும் விண்டீஸ் அணியில் இடம்பெற்றுள்ளனர்.

காயத்தால் அவதிப்பட்டு வரும் ஷெல்டன் கார்டல் இந்த தொடரிலும் இடம்பெறவில்லை. அதே போல் தனிப்பட்ட காரணங்கள் காரணமாக ஆல் ரவுண்டரான ஃபேபியன் ஆலனும் அணியில் இடம்பெறவில்லை.

வெஸ்ட் இண்டீஸ்: நிக்கோலஸ் பூரண், ரோவ்மன் பவல், ஷமாரா ப்ரூக்ஸ், டாமினிக் ட்ராக்ஸ், சிம்ரன் ஹெய்ட்மயர், ஜேசன் ஹோல்டர், அகெல் ஹூசைன், அல்ஜாரி ஜோசப், பிராண்டன் கிங், கெய்ல் மெயர்ஸ், ஓபட் மெக்காய், கீமோ பவுல், ரோமாரியோ செப்ஃபெர்ட், ஓடியன் ஸ்மித், டீவன் தாமஸ், ஹைடன் வால்ஸ்.

Win Big, Make Your Cricket Tales Now