WI vs ENG, 2nd Test: டிராவை நோக்கி நகரும் பிரிட்ஜ்டவுன் டெஸ்ட்!

வெஸ்ட் இண்டீஸ் - இங்கிலாக்கு அணிக்கெதிரான 2ஆவது டெஸ்ட் போட்டியும் டிராவில் முடியும் தருவாயில் உள்ளது.

வெஸ்ட் இண்டீஸ் -இங்கிலாந்து அணிகள் மோதும் 2ஆவது டெஸ்ட் கிரிக்கெட் போட்டி பிரிட்ஜ்டவுனில் நடைபெற்று வருகிறது. இங்கிலாந்து முதல் இன்னிங்சில் 9 விக்கெட் இழப்புக்கு 507 ரன் குவித்து டிக்ளேர் செய்தது. 

பின்னர் முதல் இன்னிங்சை விளையாடிய வெஸ்ட் இண்டீஸ் 3-வது நாள் ஆட் டத்தின் முடிவில் 4 விக்கெட் இழப்புக்கு 288 ரன் எடுத்து இருந்தது. கேப்டன் பிராத்வெயிட் , பிளாக்வுட் சதம் அடித்தனர்.

நேற்று 4ஆவது நாள் ஆட்டம் நடந்தது. 219 ரன்கள் பின்தங்கி, கைவசம் 6 விக்கெட் என்ற நிலையில் வெஸ்ட் இண்டீஸ் தொடர்ந்து ஆடியது. அந்த அணி 187.5 ஓவர்களில் 411 ரன் குவித்து ஆல் அவுட் ஆனது. இது இங்கிலாந்து ஸ்கோரை விட 96 ரன் குறைவாகும்.

கேப்டன் பிராத்வெயிட் 160  எடுத்து ஆட்டம் இழந்தார். இங்கிலாந்து தரப்பில் ஜேக் லீச் 3 விக்கெட்டும், பென் ஸ்டோக்ஸ், ‌ஷகீப் மக்மூது தலா 2 விக்கெட்டும் கைப்பற்றினார்கள்.

இந்நிலையில் 96 ரன்கள் முன்னிலையில் 2ஆவது இன்னிங்சை ஆடிய இங்கிலாந்து நேற்றைய ஆட்ட நேர முடிவில் விக்கெட் இழப்பின்றி 40 ரன் எடுத்து இருந்தது.  

இதையடுத்து இன்று கடைசி நாள் ஆட்டம் நடக்கிறது. இங்கிலாந்து 202 ரன்கள் முன்னிலையில் உள்ளது. அந்த அணியிடம் கைவசம் 7 விக்கெட் இருக்கிறது. 

அதுமட்டும் இல்லாமல் மழை குறுக்கிட்டதன் விளைவாக ஆட்டம் பாதியிலேயே தடைப்பட்டுள்ளது. எனவே, முதல் டெஸ்டை போலவே இந்த டெஸ்டும் டிராவில் முடிய அதிகமான வாய்ப்பு உள்ளது என கூறப்படுகிறது.