WIW vs PAKW: All-round Stafanie Taylor steers West Indies to win in opening ODI (Image Source: Google)
பாகிஸ்தான் மகளிர் அணி வெஸ்ட் இண்டீஸில் சுற்றுபயணம் செய்து 3 ஒருநாள், டி20 போட்டிகள் கொண்ட தொடரில் விளையாடுகிறது. இதில் முன்னதாக நடைபெற்ற டி20 தொடரில் வெஸ்ட் இண்டீஸ் அணி 3-0 என்ற கணக்கில் தொடரைக் கைப்பற்றி அசத்தியது.
இந்நிலையில் இரு அணிகளுக்கும் இடையேயான முதல் ஒருநாள் போட்டி நேற்று நடைபெற்றது. இப்போட்டியில் டாஸ் வென்ற வெஸ்ட் இண்டீஸ் அணி முதலில் பந்துவீச தீர்மானித்தது.
இதையடுத்து களமிறங்கிய பாகிஸ்தான் அணிக்கு முனீபா அலி - ஆயிஷா ஸஃபர் இணை சிறப்பான தொடக்கத்தை தந்தனர். இருவரும் அரைசதம் அடிப்பார்கள் என எதிர்பார்க்கப்பட்ட நிலையில் ஸஃபர் 46 ரன்னிலும், அலி 36 ரன்களிலும் ஆட்டமிழந்தனர்.
