மகளிர் டி20 உலகக்கோப்பை 2024: தென் ஆப்பிரிக்காவிற்கு 159 ரன்களை இலக்காக நிர்ணயித்தது நியூசிலாந்து!
மகளிர் டி20 உலகக்கோப்பை 2024: தென் அப்பிரிக்க அணிக்கு எதிரான இறுதிப்போட்டியில் முதலில் பேட்டிங் செய்த நியூசிலாந்து அணி 159 ரன்களை இலக்காக நிர்ணயித்துள்ளது.
அந்தவகையில் துபாய் சர்வதேச கிரிக்கெட் மைதானத்தில் நடைபெற்ற இந்த இறுதிப்போட்டியில் டாஸ் வென்ற தென் ஆப்பிரிக்க மகளிர் அணியானது முதலில் பந்துவீசுவதாக அறிவித்து நியூசிலாந்தை பேட்டிங் செய்ய அழைத்தது. இதையடுத்து களமிறங்கிய நியூசிலாந்து அணிக்கு சூஸி பேட்ஸ் மற்றும் ஜார்ஜியா பிளிம்மர் இணை தொடக்கம் கொடுத்தனர். இருவரும் தொடக்கம் முதலே அதிரடியாக விளையாடும் முயற்சியில் இறங்கினர். இதில் ஜார்ஜியா பிளிம்மர் 9 ரன்களி மட்டுமே எடுத்திருந்த நிலையில் விக்கெட்டை இழந்து பெவிலியன் திரும்பினார்.
Trending
அதன்பின் சூஸி பேட்ஸுடன் இணைந்த அமெலியா கெர் அபாராமான ஆட்டத்தை வெளிப்படுத்தியதுடன் அணியின் ஸ்கோரையும் மளமளவென உயர்த்தினர். அதன்பின் அரைசதம் அடிப்பார் என எதிர்பார்க்கப்பட்ட சூஸி பேட்ஸ் 32 ரன்களில் விக்கெட்டை இழக்க, அடுத்து வந்த கேப்டன் சோஃபி டிவைனும் 6 ரன்களுடனும் விக்கெட்டை இழந்து ஏமாற்றமளித்தார். பின்னர் களமிறங்கிய புரூக் ஹாலிடே வழக்கம் போல் தனது அதிரடியான ஆட்டத்தை வெளிப்படுத்தியதுடன் அடுத்தடுத்து பவுண்டரிகளை விளாசி அணியின் ஸ்கோரையும் உயர்த்தினார்.
Also Read: Funding To Save Test Cricket
பின் 38 ரன்கள் எடுத்திருந்த நிலையில் புரூக் ஹாலிடே தனது விக்கெட்டை இழக்க, அவரைத்தொடர்ந்து 43 ரன்கள் எடுத்திருந்த நிலையில் அமெலியா கெரும் ஆட்டமிழந்து அரைசதத்தை தவறவிட்டார். இறுதியில் மேடி கிரீன் 12 ரன்களைச் சேர்க்க, நியூசிலாந்து அணியானது 20 ஓவர்கள் முடிவில் 5 விக்கெட்டுகளை இழந்து 158 ரன்களைச் சேர்த்தது. தென் ஆப்பிரிக்க அணி தரப்பில் மலபா 2 விக்கெட்டுகளையும், அயபொங்கா காக்கா, சோலே ட்ரையோன், நதின் டி கிளார்க் ஆகியோர் தலா ஒரு விக்கெட்டை கைப்பற்றினர். இதனையடுத்து 159 ரன்கள் எடுத்தால் வெற்றி என்ற இலக்கை நோக்கி தென் ஆப்பிரிக்க அணி விளையாடவுள்ளது.
Win Big, Make Your Cricket Tales Now
