உலக டெஸ்ட் சாம்பியன்ஷிப் 2025: புள்ளிப்பட்டியலில் சரிவை சந்தித்தது நியூசிலாந்து!
ஐசிசி உலக டெஸ்ட் சாம்பியன்ஷிப் புள்ளிப்பட்டியலில் நியூசிலாந்து அணியானது அடுத்தடுத்த தோல்விகளின் காரணமாக 7ஆம் இடத்திற்கு தள்ளப்பட்டுள்ளது.
அதன்படி இன்று முடிவடைந்த இரண்டாவது டெஸ்ட் போட்டியில் இலங்கை அணி இன்னிங்ஸ் மற்றும் 156 ரன்கள் வித்தியாசத்தில் நியூசிலாந்தை வீழ்த்தி அபார வெற்றியைப் பெற்றுள்ளது. இந்நிலையில் உலக டெஸ்ட் சாம்பியன்ஷிப் தொடருக்கான புதுப்பிக்கப்பட்ட புள்ளிப்பட்டியலை ஐசிசி இன்று வெளியிட்டுள்ளது. இந்த பட்டியலில் இந்திய அணி 71.67 புள்ளிகளைப் பெற்று முதலிடத்தை தக்கவைத்துள்ளது.
Trending
அதனைத் தொடர்ந்து ஆஸ்திரேலிய அணி 62.50 புள்ளிகளுடன் இரண்டாம் இடத்திலும் நீடிக்கின்றனர். இந்நிலையில் நியூசிலாந்துக்கு டெஸ்ட் தொடரை கைப்பற்றி அசத்தியுள்ள இலங்கை அணியானது 55.56 புள்ளிகளைப் பெற்று மூன்றாம் இடதை தக்கவைத்துள்ளது. அதேசமயம் இலங்கை அணிக்கு எதிரான டெஸ்ட் தொடரை இழந்துள்ள நியூசிலாந்து அணியானது 37. 50 புள்ளிகளுடன் 7ஆம் இடத்திற்கு தள்ளப்பட்டுள்ளது.
இப்போட்டிக்கு முன்னதாக நியூசிலாந்து அணியானது 42.86 புள்ளிக்களுடன் 4ஆம் இடத்தையும், தொடருக்கு முன்னதாக 50 புள்ளிகளுடன் மூன்றாம் இடத்திலும் இருந்த நிலையில் தற்சமயம் 7ஆம் இடத்திற்கு சரிந்துள்ளது. இதன்மூலம் இங்கிலாந்து அணி 42.19 புள்ளிகளுடன் 4ஆம் இடத்தையும், வங்கதேச அணி 39.29 புள்ளிகளுடன் 5ஆம் இடத்தையும், தென் ஆப்பிரிக்க அணி 38.89 புள்ளிகளுடன் 6ஆம் இடத்திலும் உள்ளன.
New Zealand slips to number 7th! pic.twitter.com/D1mqG45YOa
— CRICKETNMORE (@cricketnmore) September 29, 2024
Also Read: Funding To Save Test Cricket
இதில் நியூசிலாந்து அணி 7ஆம் இடத்திற்கு தள்ளப்பட்டிருந்தாலும், பாகிஸ்தான் அணி 19.05 புள்ளிகளுடன் 8ஆம் இடத்திலும், வெஸ்ட் இண்டீஸ் அணியானது 18.52 புள்ளிகளுடன் இப்பட்டியலின் கடைசி இடத்தில் நீடித்து வருவது குறிப்பிடத்தக்கது. இதன்மூலம் இலங்கை அணியானது தற்சமயம் உலக டெஸ்ட் சாம்பியன்ஷிப் தொடரின் இறுதிப்போட்டிக்கான தேர்வுகளில் ஒன்றாக உருவெடுத்துள்ளது குறிப்பிடத்தக்கது.
Win Big, Make Your Cricket Tales Now
