இதில், இந்தியாவுக்கான டிவி மற்றும் டிஜிட்டல் ஒளிபரப்பு உரிமைக்கான ஏலம் முதலில் நடந்தது. ஆன்லைனில் நடைபெறாமல், பாரம்பரிய முறைப்படி சீலிடப்பட்ட கவரில் ஒப்பந்த தொகையை நிறுவனங்கள் கோரி இருந்தன.
இதில், முதல் இடம் பிடிக்கும் நிறுவனத்திற்கும், 2ஆவது இடம் பிடிக்கும் நிறுவனத்திற்கும் கோரிய ஒப்பந்தம் இடைவெளி 10 சதவீதத்திற்கு கீழ் இருந்தால், 2ஆவது ரவுண்ட் ஏலம் ஆன்லைனில் நடைபெறும் என கோரியிருந்தது.
இந்த ஏலத்தில் ஐசிசி 16 ஆயிரம் கோடி ரூபாய் கிடைக்கும் என எதிர்பார்த்தது. ஆனால், ஸ்டார், டிஸ்னி நிறுவனம் 24 ஆயிரம் கோடி ரூபாய் கொடுத்து ஏலத்தில் வென்றது. அதற்கு அடுத்தப்படியாக உள்ள சோனி நிறுவனம், 17 ஆயிரம் கோடி ரூபாய் மட்டுமே ஒப்பந்தம் கோரி இருந்தது. முதல் மற்றும் 2ஆவது இடத்திற்கான இடைவெளி 10 சதவீதத்திற்கு மேல் இருந்ததால் டிஸ்னி ஸ்டார் நிறுவனம் வென்றதாக அறிவிக்கப்பட்டது.
