இந்தியா vs ஜிம்பாப்வே - உத்தேச லெவன்!

இந்தியா - ஜிம்பாப்வே அணிகளுக்கு இடையேயான முதல் ஒருநாள் போட்டியில் விளையாடும் உத்தேச லெவன் அணியைப் இப்பதிவில் காண்போம்.

ZIM vs IND Probable Playing XI! (Image Source: Google)

இந்தியா - ஜிம்பாப்வே அணிகளுக்கு இடையிலான முதல் ஒருநாள் போட்டி வரும் 18ஆம் தேதி தொடங்குகிறது. இந்த தொடரில் ரோஹித் சர்மா, விராட் கோலி, ரிஷப் பந்த் உள்ளிட்ட வீரர்களுக்கு ஒய்வு வழங்கப்பட்டு இருக்கிறது

முழு உடல் தகுதியை பெற்ற கேஎல் ராகுல் இந்திய அணிக்கு கேப்டனாக திரும்புகிறார். பல இளம் வீரர்களுக்கு இந்த தொடர் வாய்ப்பு வழங்கி உள்ளதால் இந்திய ரசிகர்களிடையே, இந்த தொடர் கவனத்தை ஈர்த்துள்ளது.

தொடக்க வீரராக அனுபவ வீரர் ஷிகர் தவான் களமிறங்குவார். வெஸ்ட் இண்டீஸ் தொடரில் தவானுக்கு ஜோடியாக சுப்மான் கில் விளையாடினார். ஆனால் இந்த தொடரில் கேஎல் ராகுல் அணிக்கு திரும்பியதால், அவர் தொடக்க வீரராக விளையாடுவார் என எதிர்பார்க்கப்படுகிறது. இதனால் இஷான் கிஷான் 3ஆவது வரிசையில் விளையாடலாம்.

இந்த தொடரில் அனைவரின் எதிர்பார்ப்பையும் எற்படுத்தியுள்ளது இந்திய அணியின் நடுவரிசை தான். ஏனென்றால், இந்த தொடரில் முற்றிலும் பெரிய அனுபவம் இல்லாத வீரர்களையே இந்தியா தேர்வு செய்துள்ளது. 4ஆவது வீரராக தீபக் ஹூடாவும், 5ஆவது வீரராக சஞ்சு சாம்சனும் விளையாடலாம். 6ஆவது வீரராக வாசிங்டன் சுந்தர் களமிறங்கலாம் என எதிர்பார்க்கப்பட்டது.

ஆனால் அவருக்கு காயம் ஏற்பட்டுள்ளதால் வேறு வழியின்றி தொடக்க வீரர் ராகுல் திரிபாதிக்கு நடுவரிசையில் 6ஆவது இடத்தில் வாய்ப்பு கிடைக்கலாம். அதேசமயம் ஆல் ரவுண்டரிகளில் ஆல் ரவுண்டர் அக்சர் பட்டேலுக்கு தேர்வுக்குழு வாய்ப்பு வழங்கியுள்ளது. 

இதைனைத் தொடர்ந்து பேட்டிங் செய்ய கூடிய வேகப்பந்துவீச்சாளராக சர்துல் தாக்கூர் அல்லது தீபக் சாரை தேர்வு செய்யலாம். இதே போன்று அவேஷ் கான், சிராஜ் மற்றும் குல்தீப் யாதவ் கடைசி 3 இடத்தை பிடிக்கலாம்.

இந்திய அணியின் உத்தேச பிளேயிங் லெவன்: கேஎல் ராகுல் (கே), ஷிகர் தவான், இஷான் கிஷன், தீபக் ஹூடா, ராகுல் திரிபாதி, சஞ்சு சாம்சன், அக்ஸர் படேல், ஷர்துல் தாக்கூர், குல்தீப் யாதவ், முகமது சிராஜ், தீபக் சாஹர்.

ஜிம்பாப்வே - தகுத்ஸ்வானாஷே கைடானோ, தடிவானாஷே மருமணி, இன்னசென்ட் கையா, வெஸ்லி மாதேவேரே, சிக்கந்தர் ராசா, ரெஜிஸ் சகப்வா (கே), டோனி முனியோங்கா, லூக் ஜாங்வே, பிராட் எவன்ஸ், விக்டர் நயாச்சி, தனகா சிவாங்கா.