கரீபியன் பிரீமியர் லீக் எனப்படும் வெஸ்ட் இண்டீஸின் உள்ளூர் டி20 தொடரான சிபிஎல் தொடரின் நடப்பாண்டு சீசன் இன்று கோலகலமாக தொடங்கியுள்ளது. கரோனா பரவல் காரணமாக 50 விழுக்காடு பார்வையாளர்களுடன் நடைபெறும் இத்தொடரின் மீதான எதிர்பார்ப்புகள் ரசிகர்கள் மத்தியில் அதிகரித்துள்ளன.

இந்நிலையில் இன்று நடைபெறும் முதல் லீக் போட்டியில் நடப்பு சாம்பியன் பொல்லார்ட் தலைமையிலான டிரின்பாகோ நைட் ரைடர்ஸ் அணி - நிக்கோலஸ் பூரன் தலைமையிலான கயானா அமேசன் வாரியர்ஸ் அணியுடன் பலப்பரீட்சை நடத்துகிறது. 

இப்போட்டியில் டாஸ் வென்ற டிரின்பாகோ நைட் ரைடர்ஸ் அணி கேப்டன் கிரேன் பொல்லார்ட் முதலில் பந்துவீச தீர்மானித்துள்ளார்.

டிரின்பாகோ நைட் ரைடர்ஸ் (பிளேயிங் லெவன்): லெண்ட்ல் சிம்மன்ஸ், காலின் முன்ரோ, டிம் செய்ஃபெர்ட், டேரன் பிராவோ, கிரேன் பொல்லார்ட் (கே), டெனேஷ் ராம்டின், இசுரு உடனா, சுனில் நரைன், அகேல் ஹொசைன், ரவி ராம்பால், ஜெய்டன் சீல்ஸ்.

கயானா அமேசான் வாரியர்ஸ் (பிளேயிங் லெவன்): சந்திரபால் ஹேம்ராஜ், பிராண்டன் கிங், முகமது ஹபீஸ், சிம்ரான் ஹெட்மையர், நிக்கோலஸ் பூரன் (கே), ஷோயிப் மாலிக், ரொமரியோ ஷெப்ஃபெர்ட், நவீன்-உல்-ஹக், அஷ்மீத் நேத், ஒடியன் ஸ்மித், இம்ரான் தாஹிர்.