இந்தியா - இங்கிலாந்து அணிகளுக்கு இடையேயான மூன்றாவது டெஸ்ட் போட்டி லீட்ஸில் நேற்று தொடங்கியது. இப்போட்டியில் டாஸ் வென்ற இந்திய அணி முதலில் பேட்டிங் செய்தது.

அதன்படி களமிறங்கிய இந்திய அணி, ஜேம்ஸ் ஆண்டர்சன், கிரேக் ஓவர்டன் ஆகியோரது பந்துவீச்சினால் 78 ரன்களிலேயே அனைத்து விக்கெட்டுகளையும் இழந்து படுமோசமான ஆட்டத்தை வெளிப்படுத்தியிருந்தது.

இதையடுத்து முதல் இன்னிங்ஸைத் தொடர்ந்த இங்கிலாந்து அணிக்கு ஹாசீப் ஹமீத் - ரோரி பர்ன்ஸ் இணை சிறப்பான ஆட்டத்தை வெளிப்படுத்தி அணியை முன்னிலைப் படுத்தியது. தொடர்ந்து அதிரடியான ஆடத்தை வெளிப்படுத்தி வந்த இருவரும் அரைசதமடித்து அசத்தினர். 

இதன் மூலம் இங்கிலாந்து அணி முதல் நாள் ஆட்டநேர முடிவில் விக்கெட் இழப்பின்றி 120 ரன்களைச் சேர்த்துள்ளது.அந்த அணியில் ஹாசீப் ஹமீத் 60 ரன்களுடனும், ரோரி பர்ன்ஸ் 52 ரன்களுடனும் களத்தில் உள்ளனர். 

இந்தியா - இங்கிலாந்து அணிகளிடையேயான மூன்றாவது டெஸ்ட் போட்டியின் முதல் நாள் ஹைலைட்ஸ் காணொளி!