வெஸ்ட் இண்டீஸில் நடைபெற்று வரும் 12ஆவது சீசன் சிபிஎல் டி20 லீக் தொடரானது விறுவிறுப்பான கட்டத்தை எட்டியுள்ளது. இதில் இன்று நடைபெற்ற 9ஆவது லீக் போட்டியில் செயின்ட் கிட்ஸ் & நேவிஸ் பேட்ரியாட்ஸ் அணியை எதிர்த்து பார்படாஸ் ராயல்ஸ் அணி பலப்பரீட்சை நடத்தியது. செயின்ட் கிட்ஸில் நடைபெற்ற இப்போட்டியில் டாஸ் வென்ற பார்படாஸ் ராயல்ஸ் அணியானது முதலில் பந்துவீசுவதாக அறிவித்தது. இதனையடுத்து களமிறங்கிய பேட்ரியாட்ஸ் அணிக்கு தொடக்கமே பேரதிர்ச்சி காத்திருந்தது. அணியின் டாப் ஆர்டர் வீரர்கள் எவின் லூயிஸ், ஆண்ட்ரே ஃபிளெட்சர், கைல் மேயர்ஸ் ஆகியோர் ரன்கள் ஏதுமின்றி அடுத்தடுத்து விக்கெட்டுகளை இழந்தனர்