ஐசிசி ஒருநாள் உலகக் கோப்பை கிரிக்கெட் போட்டி வரும் அக்டோபர் மாதம் இந்தியாவில் நடைபெற உள்ளது. சுமார் 12 ஆண்டுகளுக்குப் பிறகு இந்தியாவில் இந்தத் தொடர் நடைபெறுகிறது. இதில் மொத்தம் 10 அணிகள் பங்கேற்கவுள்ள நிலையில், போட்டியை நடத்தும் இந்தியா உள்பட 8 அணிகள் பிரதான சுற்றுக்கு நேரடியாகத் தகுதிபெற்றுவிட்டன. எஞ்சியிருக்கும் 2 இடங்களுக்கான அணிகள் தகுதிச்சுற்று ஆட்டங்கள் மூலம் முடிவு செய்யப்படவுள்ளன.

அதன்படி இந்த உலகக்கோப்பை கிரிக்கெட் தொடருக்கான தகுதிச்சுற்று போட்டிகள் ஜிம்பாப்வேவில் நடைபெற்று வருகிறது. இதில் இன்று நடைபெறும் 4ஆவது போட்டியில் அயர்லாந்து - ஓமன் அணிகள் பலப்பரீட்சை நடத்துகின்றன. இப்போட்டியில் டாஸ் வென்றுள்ள ஓமன் அணி பந்துவீச்ச தீர்மானித்துள்ளது.

அயர்லாந்து: பால் ஸ்டிர்லிங், ஆண்டி மெக்பிரைன், ஆண்ட்ரூ பால்பிர்னி(கே), ஹாரி டெக்டர், லோர்கன் டக்கர், ஜார்ஜ் டோக்ரெல், கரேத் டெலானி, மார்க் அடேர், கிரஹாம் ஹியூம், ஜோசுவா லிட்டில், பெஞ்சமின் வைட்

ஓமன்: காஷ்யப் பிரஜாபதி, ஜதீந்தர் சிங், சோயப் கான், ஜீஷன் மக்சூத்(கே), முகமது நதீம், அயான் கான், நசீம் குஷி, பிலால் கான், ஜே ஒடெட்ரா, ஃபயாஸ் பட், அகிப் இலியாஸ்.