ஐசிசி ஒருநாள் உலகக் கோப்பை கிரிக்கெட் போட்டி வரும் அக்டோபர் மாதம் இந்தியாவில் நடைபெற உள்ளது. சுமார் 12 ஆண்டுகளுக்குப் பிறகு இந்தியாவில் இந்தத் தொடர் நடைபெறுகிறது. இதில் மொத்தம் 10 அணிகள் பங்கேற்கவுள்ள நிலையில், போட்டியை நடத்தும் இந்தியா உள்பட 8 அணிகள் பிரதான சுற்றுக்கு நேரடியாகத் தகுதிபெற்றுவிட்டன. எஞ்சியிருக்கும் 2 இடங்களுக்கான அணிகள் தகுதிச்சுற்று ஆட்டங்கள் மூலம் முடிவு செய்யப்படவுள்ளன.
அதன்படி இந்த உலகக்கோப்பை கிரிக்கெட் தொடருக்கான தகுதிச்சுற்று போட்டிகள் ஜிம்பாப்வேவில் நடைபெற்று வருகிறது. இதில் இன்று நடைபெறும் 3ஆவது போட்டியில் இலங்கை - ஐக்கிய அரபு அமீரக அணிகள் பலப்பரீட்சை நடத்துகின்றன. இப்போட்டியில் டாஸ் வென்றுள்ள ஐக்கிய அரபு அமீரக அணி முதலில் பந்துவீச தீர்மானித்துள்ளது.
இலங்கை: பதும் நிஷங்க, திமுத் கருணாரத்னே, குசல் மெண்டிஸ், சதீர சமரவிக்ரம, சரித் அசலங்கா, தனஞ்சய டி சில்வா, தசுன் ஷனக(கே), வநிந்து ஹசரங்க, மஹீஷ் தீக்ஷனா, கசுன் ராஜித, லஹிரு குமார.
ஐக்கிய அரபு அமீரகம்: முஹம்மது வசீம்(கே), அலி நசீர், வ்ரித்யா அரவிந்த், ரோஹன் முஸ்தபா, பாசில் ஹமீத், ஆசிப் கான், ரமீஸ் ஷாஜாத், அயன் அப்சல் கான், கார்த்திக் மெய்யப்பன், ஜாகூர் கான், முஹம்மது ஜவதுல்லா.
