ஜிம்பாப்வேவியில் நடைபெற்றுவரும் உலகக்கோப்பை கிரிக்கெட் தொடருக்கான தகுதிச்சுற்று போட்டிகள் விறுவிறுப்பான கட்டத்தை எட்டியுள்ளது. இதில் இன்று நடைபெறும் சூப்பர் 6 சுற்றின் 3ஆவது ஆட்டத்தில் வெஸ்ட் இண்டீஸ் - ஸ்காட்லாந்து அணிகள் பலப்பரீட்சை நடத்துகின்றன.

ஹராரேவில் நடைபெறும் இப்போட்டியில் டாஸ் வென்றுள்ள ஸ்காட்லாந்து அணி முதலில் பந்துவீச தீர்மானித்து வெஸ்ட் இண்டீஸ்  அணியை பேட்டிங் செய்ய அழைத்துள்ளது. இரு அணியிலும் அதிரடியான வீரர்கள் இருப்பதால் இப்போட்டியின் மீதான எதிர்பார்ப்புகள் அதிகரித்துள்ளன. 

வெஸ்ட் இண்டீஸ்: பிராண்டன் கிங், ஜான்சன் சார்லஸ், ஷமர் ப்ரூக்ஸ், ஷாய் ஹோப்(கே), நிக்கோலஸ் பூரன், கைல் மேயர்ஸ், கெவின் சின்க்ளேர், ஜேசன் ஹோல்டர், ரொமாரியோ ஷெப்பர்ட், அக்கேல் ஹோசைன், அல்சாரி ஜோசப்.

ஸ்காட்லாந்து: மேத்யூ கிராஸ், கிறிஸ்டோபர் மெக்பிரைட், பிராண்டன் மெக்முல்லன், ஜார்ஜ் முன்சி, ரிச்சி பெரிங்டன்(கே), தாமஸ் மெக்கிண்டோஷ், மைக்கேல் லீஸ்க், கிறிஸ் க்ரீவ்ஸ், மார்க் வாட், சஃப்யான் ஷெரீப், கிறிஸ் சோல்.