ஐசிசி 50 ஓவர் உலகக் கோப்பை கிரிக்கெட் போட்டி வரும் அக்டோபர் மாதம் இந்தியாவில் நடைபெற உள்ளது. சுமார் 12 ஆண்டுகளுக்குப் பிறகு இந்தியாவில் இந்தத் தொடர் நடைபெறுகிறது. இதில் மொத்தம் 10 அணிகள் பங்கேற்கவுள்ள நிலையில், போட்டியை நடத்தும் இந்தியா உள்பட 8 அணிகள் பிரதான சுற்றுக்கு நேரடியாகத் தகுதிபெற்றுவிட்டன. எஞ்சியிருக்கும் 2 இடங்களுக்கான அணிகள் தகுதிச்சுற்று ஆட்டங்கள் மூலம் முடிவு செய்யப்படவுள்ளன.

ஒருநாள் உலகக்கோப்பை கிரிக்கெட் தொடருக்கான தகுதிச்சுற்று போட்டிகள் ஜிம்பாப்வேவில் நடைபெற்று வருகிறது. இதில் இன்று நடைபெறும் 12ஆவது லீக் ஆட்டத்தில் ஐக்கிய அரபு அமீரக அணியை எதிர்த்து ஸ்காட்லாந்து அணி விளையாடவுள்ளது. இப்போட்டிக்கான டாஸை யுஏஇ அணி வெற்றிபெற்று முதலில் பந்துவீசுவதாக அறிவித்துள்ளது. 

ஸ்காட்லாந்து: கிறிஸ்டோபர் மெக்பிரைட், மேத்யூ கிராஸ், பிராண்டன் மெக்முல்லன், ஜாக் ஜார்விஸ், ரிச்சி பெரிங்டன்(கே), தாமஸ் மெக்கிண்டோஷ், மைக்கேல் லீஸ்க், கிறிஸ் க்ரீவ்ஸ், மார்க் வாட், சஃப்யான் ஷெரீப், கிறிஸ் சோல்.

ஐக்கிய அரபு அமீரகம்: முஹம்மது வசீம்(கே), ரோஹன் முஸ்தஃபா, வ்ரித்யா அரவிந்த், ஆர்யன்ஷ் ஷர்மா, ஆசிஃப் கான், பாசில் ஹமீத், அலி நசீர், அயன் அஃப்சல் கான், கார்த்திக் மெய்யப்பன், ஜாகூர் கான், ஜுனைத் சித்திக்.