ஐசிசி 50 ஓவர் உலகக் கோப்பை கிரிக்கெட் போட்டி வரும் அக்டோபர் மாதம் இந்தியாவில் நடைபெற உள்ளது. சுமார் 12 ஆண்டுகளுக்குப் பிறகு இந்தியாவில் இந்தத் தொடர் நடைபெறுகிறது. இதில் மொத்தம் 10 அணிகள் பங்கேற்கவுள்ள நிலையில், போட்டியை நடத்தும் இந்தியா உள்பட 8 அணிகள் பிரதான சுற்றுக்கு நேரடியாகத் தகுதிபெற்றுவிட்டன. எஞ்சியிருக்கும் 2 இடங்களுக்கான அணிகள் தகுதிச்சுற்று ஆட்டங்கள் மூலம் முடிவு செய்யப்படவுள்ளன.

ஒருநாள் உலகக்கோப்பை கிரிக்கெட் தொடருக்கான தகுதிச்சுற்று போட்டிகள் ஜிம்பாப்வேவில் நடைபெற்று வருகிறது. இதில் இன்று நடைபெறும் 17ஆவது லீக் ஆட்டத்தில் ஜிம்பாப்வே - அமெரிக்க அணிகள் பலப்பரீட்சை நடத்துகின்றன. இப்போட்டியில் டாஸ் வென்றுள்ள அமெரிக்க அணி முதலில் பந்துவீச தீர்மானித்துள்ளது. 

அமெரிக்கா: ஸ்டீவன் டெய்லர், சுஷாந்த் மோதானி, மோனாங்க் படேல்(கே), ஆரோன் ஜோன்ஸ், கஜானந்த் சிங், ஷயான் ஜஹாங்கீர், நிசார்க் படேல், நோஸ்துஷ் கென்ஜிகே, ஜஸ்தீப் சிங், உஸ்மான் ரபிக், அபிஷேக் பரத்கர்.

ஜிம்பாப்வே: தடிவானாஷே மருமணி, இன்னசென்ட் கையா, வெஸ்லி மாதேவெரே, சீன் வில்லியம்ஸ்(கே), சிக்கந்தர் ரஸா, ரியான் பர்ல், ஜாய்லார்ட் கம்பீ, பிராட் எவன்ஸ், லூக் ஜாங்வே, வெலிங்டன் மசகட்சா, ரிச்சர்ட் நகரவா.