இங்கிலாந்தில் சுற்றுப்பயணம் செய்துவரும் பாகிஸ்தான் அணி, அந்த அணிக்கெதிராக 3 போட்டிகள் கொண்ட ஒருநாள் மற்றும் டி20 தொடரில் விளையாடி வருகிறது. 

இதில் ஒருநாள் தொடரை பாகிஸ்தான் அணி 3-0 என்ற கணக்கில் இழந்து இங்கிலாந்து அணியிடம் ஒயிட்வாஷ் ஆனது. 

இந்நிலையில் இரு அணிகளுக்கும் இடையேயான முதல் டி20 போட்டி நாட்டிங்ஹாமிலுள்ள ட்ரெண்ட் பிரிட்ஜ் கிரிக்கெட் மைதனாத்தில் இன்று நடைபெறுகிறது. இப்போட்டியில் டாஸ் வென்ற இங்கிலாந்து அணி கேப்டன் ஈயன் மோர்கன், பாகிஸ்தான் அணியை பேட்டிங் செய்ய அழைத்துள்ளார்.

ஏற்கெனவே ஒருநாள் தொடரை படுமோசமாக இழந்துள்ள பாகிஸ்தான் அணி, டி20 தொடரையாவது வென்று ஆறுதலை தேடும் என ரசிகர்கள் எதிர்பார்த்துள்ளனர். 

இங்கிலாந்து (விளையாடும் லெவன்): ஜேசன் ராய், டேவிட் மாலன், ஜானி பேர்ஸ்டோவ், லியாம் லிவிங்ஸ்டன், மொயீன் அலி, ஈயன் மோர்கன் (கே), லூயிஸ் கிரிகோரி, டாம் கரண், டேவிட் வில்லி, சாகிப் மஹ்மூத், மேத்யூ பார்கின்சன்.

பாகிஸ்தான் (லெவன் விளையாடும்): ஃபகர் ஸமான், முகமது ரிஸ்வான், பாபர் அசாம் (கே), முகமது ஹபீஸ், சோஹைப் மக்சூத், அசாம் கான், சதாப் கான், இமாத் வாசிம், ஷாஹீன் அஃப்ரிடி, ஹரிஸ் ரவூஃப், முகமது ஹஸ்னைன்.