வங்கதேசம் சென்றுள்ள இந்திய அணி தற்போது மூன்று போட்டிகள் கொண்ட ஒருநாள் தொடரில் பங்கேற்று விளையாடி வருகிறது. முதல் ஒருநாள் போட்டியில், வங்கதேச அணி கடைசிவரை போராடி, ஒரு விக்கெட் வித்தியாசத்தில் வெற்றியைப் பெற்றது. இதனைத் தொடர்ந்து இரண்டாவது போட்டியிலும் தொடர்ச்சியாக 6 விக்கெட்களை இழந்தபோதும், அதன்பிறகு மெகா பார்ட்னர்ஷிப் அமைத்து வங்கதேச அணி 271 ரன்ளை குவித்து, இறுதியில் 5 ரன்கள் வித்தியாசத்தில் வெற்றியைப் பெற்று, தொடரைக் கைப்பற்றியது.
இந்நிலையில் இரு அணிகளுக்கும் இடையேயான கடைசி மற்றும் மூன்றாவது ஒருநாள் போட்டி நாளை நடைபெறவுள்ளது. இந்திய அணியில் ரோஹித் ஷர்மா, தீபக் சஹார் ஆகியோர் காயம் காரணமாக அவதிப்பட்டு வருவதால் அவர்களுக்கு மாற்றாக வீரர்களை களமிறக்க வேண்டிய கட்டாயத்தில் இந்திய அணி இருக்கிறது.
அதன்படி இப்போட்டியில் டாஸ் வென்றுள்ள வங்கதேச அணியின் கேப்டன் லிட்டன் தாஸ் முதலில் பந்துவீச தீர்மானித்து, இந்திய அணியை பேட்டிங் செய்ய அழைத்துள்ளார். இன்றைய போட்டிக்கான இந்திய அணியில் இஷான் கிஷான், குல்தீப் யாதவ் ஆகியோர் சேர்க்கப்பட்டுள்ளனர்.
இந்தியா: ஷிகர் தவான், இஷான் கிஷான், விராட் கோலி, ஷ்ரேயாஸ் ஐயர், கே.எல். ராகுல்(கே), வாஷிங்டன் சுந்தர், அக்சர் படேல், ஷர்துல் தாக்கூர், குல்தீப் யாதவ், முகமது சிராஜ், உம்ரான் மாலிக்.
வங்கதேசம்: அனாமுல் ஹக், லிட்டன் தாஸ்(கே), ஷாகிப் அல் ஹசன், யாசிர் அலி, முஷ்பிகுர் ரஹீம், மஹ்முதுல்லா, அபிஃப் ஹொசைன், மெஹிதி ஹசன் மிராஸ், எபாடோட் ஹொசைன், முஸ்தாபிசுர் ரஹ்மான், தஸ்கின் அகமது.
