இந்தியாவில் சுற்றுப்பயணம் மேற்கொண்டுள்ள இலங்கை அணி மூன்று போட்டிகள் கொண்ட டி20 தொடர் மற்றும் இரண்டு போட்டிகள் கொண்ட டெஸ்ட் தொடரில் விளையாடவுள்ளது.

இதில் இரு அணிகளுக்கும் இடையேயான முதலிரு டி20 போட்டியிலும் இந்திய அணி வெற்றிபெற்று டி20 தொடரை 2-0 என்ற கணக்கில் முன்னிலைப் பெற்றுள்ளது.

இந்நிலையில் இரு அணிகளுக்கும் இடையேயான மூன்றாவது டி20 போட்டி தர்மசாலாவில் இன்று நடைபெறுகிறது. இப்போட்டியில் டாஸ் வென்ற இலங்கை அணி முதலில் பேட்டிங் தீர்மானித்துள்ளது. 

இன்றைய போட்டிக்கான இந்திய அணியில் இஷான் கிஷான், ஜஸ்ப்ரித் பும்ரா, புவனேஷ்வர், சஹால் ஆகியோருக்கு ஓய்வளிக்கப்பட்டு ரவி பிஷ்னோய், ஆவேஷ் கான், முகமது சிராஜ், குல்தீப் யாதவ் ஆகியோருக்கு வாய்ப்பு வழங்கப்பட்டுள்ளது.

இலங்கை:பதும் நிஷங்க, தனுஷ்க குணதிலக்க, சரித் அசலங்க, தினேஷ் சந்திமால், ஜனித் லியனகே, தசுன் ஷனக(கே), சாமிக்க கருணாரத்ன, துஷ்மந்த சமீர, ஜெப்ரி வான்டர்சே, பினுர ஃபெர்னாண்டோ, லஹிரு குமார.

இந்தியா: ரோஹித் சர்மா(கே), சஞ்சு சாம்சன், ஸ்ரேயாஸ் ஐயர், ரவீந்திர ஜடேஜா, வெங்கடேஷ் ஐயர், தீபக் ஹூடா, ஹர்ஷல் படேல், ரவி பிஷ்னோய், முகமது சிராஜ், குல்தீப் யாதவ், அவேஷ் கான்.