ஐபிஎல் தொடரின் 14ஆவது சீசன் தற்போது இறுதிக்கட்டத்தை எட்டியுள்ளது. இதில் இன்று நடைபெறும் முதல் தகுதிச்சுற்றுப்போட்டியில் டெல்லி கேப்பிட்டல்ஸ் - சென்னை சூப்பர் கிங்ஸ் அணிகள் விளையாடுகின்றன. 

இந்நிலையில் இப்போட்டியில் டாஸ் வென்ற சென்னை அணி முதலில் பந்துவீச தீர்மானித்தது. மேலும் இன்றைய போட்டியில் வெற்றிபெறும் அணி நேரடியாக இறுதிப்போட்டிக்கு செல்லும் என்பதால் இப்போட்டியின் மீதான எதிர்பார்ப்பு அதிகரித்துள்ளது. 

மேலும் இன்றைய போட்டிக்கான சிஎஸ்கே அணியில் எந்தவித மாற்றங்களும் செய்யாமல் அதே அணியுடன் விளையாடுகிறது. அதேசமயம் டெல்லி அணியில் ரிபால் படேலுக்கு பதிலாக டாம் கரண் சேர்க்கப்பட்டுள்ளார். 

டெல்லி கேப்பிட்டல்ஸ்: ஷிகர் தவான், பிருத்வி ஷா, ரிஷப் பந்த், ஸ்ரேயாஸ் ஐயர், சிம்ரான் ஹெட்மையர், டாம் கரண், அக்சர் பட்டேல், ரவிச்சந்திரன் அஸ்வின், ககிசோ ரபாடா, அவேஷ் கான், அன்ரிச் நோர்ட்ஜே

சென்னை சூப்பர் கிங்ஸ்: ருதுராஜ் கெய்க்வாட், ஃபாஃப் டு பிளெசிஸ், மொயீன் அலி, ராபின் உத்தப்பா, அம்பதி ராயுடு, எம்எஸ் தோனி (கே), ரவீந்திர ஜடேஜா, டுவைன் பிராவோ, ஷர்துல் தாக்கூர், தீபக் சாஹர், ஜோஷ் ஹேசில்வுட்.