ஐபிஎல் தொடரின் 14ஆவது சீசன் நாளுக்கு நாள் விறுவிறுப்பாக ஐக்கிய அரபு அமீரகத்தில் நடைபெற்றுவருகிறது. இதில் நேற்று நடைபெற்ற 32ஆவது லீக் ஆட்டத்தில் ராஜஸ்தான் ராயல்ஸ் அணி 2 ரன்கள் வித்தியாசத்தில் பஞ்சாப் கிங்ஸ் அணியை வீழ்த்தி அபார வெற்றியைப் பெற்றது.

அதிலும் கடைசி ஓவரில் 4 ரன்கள் எடுத்தால் வெற்றி என்ற இக்கட்டான நிலையில், கடைசி ஓவரை அற்புதமாக வீசி 1 ரன் மட்டும் கொடுத்து 2 விக்கெட்டுகள் எடுத்த 20 வயது கார்த்திக் தியாகி, ஆட்ட நாயகனாகத் தேர்வானார்.

இந்நிலையில் பஞ்சாப் அணியின் இன்னிங்ஸில் 20 ஓவர்களை வீச அதிக நேரம் எடுத்துக்கொண்டதால் ராஜஸ்தான் அணி கேப்டன் சஞ்சு சாம்சனுக்கு ரூ. 12 லட்சம் அபராதம் விதிக்கப்பட்டுள்ளது.