ஐபிஎல் கிரிக்கெட் திருவிழாவின் 16ஆவது சீசன் தற்போது இறுதிக்கட்டத்தை நெருங்கியுள்ளது. இதில் எந்த அணி பிளே ஆஃப் சுற்றுக்குள் நுழையும் என்ற இழுபறி நீடித்து வருகிறது. ஏனெனில் இதுவரை நடைபெற்று முடிந்த போட்டிகளின் முடிவில் அனைத்து அணிகளுக்கும் பிளே ஆஃப் வாய்ப்பு உள்ளது என்பதால், இதில் எந்த நான்கு அணிகள் அடுத்த சுற்றுக்கு முன்னேறும் என்ற கேள்வி ரசிகர்கள் மத்தியில் அதிகரித்துள்ளது. 

அந்தவகையில் இன்று நடைபெறும் 57ஆவது லீக் ஆட்டத்தில் ரோஹித் சர்மா தலைமையிலான மும்பை இந்தியன்ஸ் அணியும், ஹர்திக் பாண்டியா தலைமையிலான குஜராத் டைட்டன்ஸ் அணிகளும் பலப்பரீட்சை நடத்துகின்றன. மும்பை வான்கடேவில் நடைபெறும் இப்போட்டியில் டாஸ் வென்றுள்ள குஜராத் அணியின் கேப்டன் ஹர்திக் பாண்டியா முதலில் பந்துவீசுவதாக தீர்மானித்துள்ளார்.

மும்பை இந்தியன்ஸ்: இஷான் கிஷன், ரோஹித் சர்மா(கே), கேமரூன் கிரீன், சூர்யகுமார் யாதவ், நேஹால் வதேரா, டிம் டேவிட், கிறிஸ் ஜோர்டான், விஷ்ணு வினோத், பியூஷ் சாவ்லா, ஜேசன் பெஹ்ரன்டோர்ஃப், குமார் கார்த்திகேயா

குஜராத் டைட்டன்ஸ்: விருத்திமான் சாஹா, விஜய் சங்கர், ஹர்திக் பாண்டியா(கே), டேவிட் மில்லர், ராகுல் தெவாடியா, அபினவ் மனோகர், மோகித் சர்மா, ரஷித் கான், முகமது ஷமி, அல்சாரி ஜோசப், நூர் அகமது.