ஐபிஎல் தொடரில் இன்று நடைபெறும் 16ஆவது லீக் ஆட்டத்தில் டேவிட் வார்னர் தலைமையிலான டெல்லி கேப்பிட்டல்ஸ் அணியும், ரோஹித் சர்மா தலைமையிலான மும்பை இந்தியன்ஸ் அணிகளும் பலப்பரீட்சை நடத்துகின்றன. 

மேலு நடப்பு ஐபிஎல் தொடரில் இவ்விரு அணிகளும் ஒரு வெற்றியைக் கூட ஈட்டமுடியாமல் தவித்து வருவதுடன், புள்ளிப்பட்டியளின் கடைசி இரு இடங்களையும் பிடித்துள்ளன. இதனால் இப்போட்டியில் எந்த அணி வெற்றிபெற்று தொடரில் தங்களை நிலைநிறுத்துவர் என்ற எதிர்பார்ப்பு அதிகரித்துள்ளது. 

அதன்படி அருண் ஜெட்லி மைதானத்தில் நடைபெறும் இப்போட்டியில் டாஸ் வென்றுள்ள மும்பை இந்தியன்ஸ் அணி முதலில் பந்துவீசுவதாக தீர்மானித்துள்ளது. இன்றைய போட்டிக்கான டெல்லி அணியில் கலீல் அஹ்மத், ரைலீ ரூஸோவ் ஆகியோருக்கு பதிலாக்க முஷ்தஃபிசூர் ரஹ்மான், யாஷ் துல் ஆகியோர் இடம்பிடித்துள்ளனர். 

அதேபோல் மும்பை இந்தியன்ஸ் அணி தரப்பில் டிரிஸ்டன் ஸ்டப்ஸுக்கு பதிலாக்க ரைலீ மெரிடித் அணியில் இடம்பிடித்துள்ளர். அதேபோல் இன்றைய போட்டியிலும் ஜோஃப்ரா ஆர்ச்சருக்கு இடமில்லை.

டெல்லி கேப்பிட்டல்ஸ்: பிருத்வி ஷா, டேவிட் வார்னர் (கே), மணீஷ் பாண்டே, யாஷ் துல், ரோவ்மன் பவல், லலித் யாதவ், அக்சர் படேல், அபிஷேக் போரல் (வ), குல்தீப் யாதவ், அன்ரிச் நார்ட்ஜே, முஸ்தாபிசுர் ரஹ்மான்

மும்பை இந்தியன்ஸ்: ரோஹித் ஷர்மா(கே), இஷான் கிஷன், கேமரூன் கிரீன், சூர்யகுமார் யாதவ், திலக் வர்மா, நேஹால் வதேரா, ஹிருத்திக் ஷோக்கீன், அர்ஷத் கான், பியூஷ் சாவ்லா, ஜேசன் பெஹ்ரன்டோர்ஃப், ரைலீ மெரிடித்.