தென் ஆப்பிரிக்காவில் சுற்றுப்பயணம் செய்துவரும் இந்திய அணி தற்போது ஒருநாள் தொடரில் விளையாடி வருகிறது. இதில் நேற்று முந்தினம் நடைபெற்ற இரண்டாவது ஒருநாள் போட்டியிலும் தென் ஆப்பிரிக்க அணி இந்திய அணியை வீழ்த்தி, 2-0 என்ற கணக்கில் தொடரை வென்றது.

இந்நிலையில் இரு அணிகளுக்கும் இடையேயான மூன்றாவது ஒருநாள் போட்டி கேப்டவுனில் உள்ள நியூலாண்ட்ஸ் மைதானத்தில் இன்று நடைபெறுகிறது.

இப்போட்டியில் டாஸ் வென்ற இந்திய அணி கேப்டன் கேஎல் ராகுல் முதலில் பந்துவீசுவதாக தீர்மானித்துள்ளார். மேலும் இன்றைய போட்டிக்கான இந்திய அணியில் தீபக் சஹார், ஜெயந்த் யாதவ், பிரசித் கிருஷ்ணா, சூர்யகுமார் யாதவ் ஆகியோர் சேர்க்கப்பட்டுள்ளனர். 

தென் ஆப்பிரிக்கா : குயின்டன் டி காக், ஜென்னெமன் மலான், ஐடன் மார்க்ரம், ரஸ்ஸி வான் டெர் டுசென், டெம்பா பவுமா(கே), டேவிட் மில்லர், ஆண்டிலே பெஹ்லுக்வாயோ, கேசவ் மகாராஜ், சிசாந்தா மகாலா, டுவைன் பிரிட்டோரியஸ், லுங்கி இங்கிடி

இந்தியா: கேஎல் ராகுல்(கே), ஷிகர் தவான், விராட் கோலி, ரிஷப் பந்த், சூர்யகுமார் யாதவ், ஷ்ரேயாஸ் ஐயர், ஜெயந்த் யாதவ், பிரசித் கிருஷ்ணா, தீபக் சாஹர், ஜஸ்பிரித் பும்ரா, யுஸ்வேந்திர சாஹல்