சையத் முஷ்டாக் அலி டி20 தொடரில் இன்று நடைபெற்ற மூன்றாவது காலிறுதிப் போட்டியில் விதர்பா - ராஜஸ்தான் அணிகள் மோதின. இதில் டாஸ் வென்ற விதர்பா அணி முதலில் பந்துவீச தீர்மானித்தது.

அதன்படி களமிறங்கிய ராஜஸ்தான் அணி வீரர்கள் எதிரணி பந்துவீச்சை தாக்குப்பிடிக்க முடியாமல் அடுத்தடுத்து விக்கெட்டுகளை இழந்து பெவிலியன் திரும்பினர். இதனால் 18 ரன்களிலேயே அந்த அணி 5 விக்கெட்டுகளை இழந்தது. 

அதன்பின் களமிறங்கிய கம்ளேஷ் நாகர்கொட்டி சிறப்பாக விளையாடி 39 ரன்களைச் சேர்த்தார். இதனால் 20 ஓவர்கள் முடிவில் ராஜஸ்தான் அணி 8 விக்கெட்டுகளை இழந்து 84 ரன்களைச் சேர்த்தது. 

இதையடுத்து எளிய இலக்கை துரத்திய விதர்பா அணி 14.5 ஓவர்களில் இலக்கை எட்டியதுடன், 9 விக்கெட் வித்தியாசத்தில் வெற்றிபெற்று இரண்டாவது அணியாக அரையிறுதிக்கு முன்னேறியது.