டி20 உலகக்கோப்பை தொடரின் 8ஆவது சீசன் ஆஸ்திரேலியாவில் விறுவிறுப்பாக நடைபெற்று வருகிறது. இதில் அடிலெய்டில் இன்று இந்திய நேரப்படி பிற்பகல் 1.30 மணிக்கு ஆரம்பமாகும் சூப்பர் 12 சுற்று ஆட்டத்தில் நடப்பு சாம்பியன் ஆஸ்திரேலிய அணி ஆஃப்கானிஸ்தானை எதிர்கொள்கிறது.

நடப்பு டி20 உலகக்கோப்பை தொடரில் 2 வெற்றி, ஒரு தோல்வி, ஒரு முடிவில்லை என்று 5 புள்ளிகளுடன் உள்ள ஆஸ்திரேலியா அணி ரன்-ரேட்டில் வெகுவாக பின்தங்கி இருக்கிறது. இதனால் அந்த அணி அரைஇறுதி வாய்ப்பில் நீடிக்க இன்றைய ஆட்டத்தில் மிகப்பெரிய வித்தியாசத்தில் ஆஃப்கானிஸ்தானை வீழ்த்த வேண்டிய நெருக்கடியில் இருக்கிறது. 

இதற்கிடையில் கடந்த போட்டியில் ஏற்பட்ட காயம் காரணமாக ஆரோன் ஃபிஞ்ச் இன்றைய போட்டியிலிருந்து வெளியேறியுள்ளார். அவருக்கு பதிலாக மேத்யூ வேட் இன்றைய போட்டிக்கான ஆஸ்திரேலிய அணியை வழிநடத்துகிறார்.

இந்நிலையில் இப்போட்டியில் டாஸ் வென்றுள்ள ஆஃப்கானிஸ்தான் அணி முதலில் பந்துவீசுவதாக தீர்மானித்துள்ளது. இன்றைய போட்டிக்கான ஆஸ்திரேலிய அணியில் ஆரோன் ஃபிஞ்ச், டிம் டேவிட், மிட்செல் ஸ்டார்க் ஆகியோர் இன்றைய போட்டியில் விளையாடவில்லை. 

ஆஃப்கானிஸ்தான்: ரஹ்மானுல்லா குர்பாஸ், உஸ்மான் கனி, இப்ராஹிம் சத்ரான், குல்பாடின் நைப், தர்வீஷ் ரசூலி, நஜிபுல்லா ஜத்ரான், முகமது நபி(கே), ரஷித் கான், முஜீப் உர் ரஹ்மான், நவீன்-உல்-ஹக், ஃபசல்ஹா

ஆஸ்திரேலியா: கேமரூன் கிரீன், டேவிட் வார்னர், மிட்செல் மார்ஷ், ஸ்டீவன் ஸ்மித், கிளென் மேக்ஸ்வெல், மார்கஸ் ஸ்டோனிஸ், மேத்யூ வேட்(கே), பாட் கம்மின்ஸ், கேன் ரிச்சர்ட்சன், ஆடம் ஜம்பா, ஜோஷ் ஹேசில்வுட்.