வெஸ்ட் இண்டீஸில் சுற்றுப்பயணம் செய்துவரும் இந்திய அணி 3 ஒருநாள், 5 டி20 போட்டிகள் கொண்ட தொடரில் விளையாடி வருகிறது. இதில் ஒருநாள் தொடரை 3-0 என்ற கணக்கில் வீழ்த்தி இந்திய அணி வெஸ்ட் இண்டீஸை ஒயிட்வாஷ் செய்தது.

இந்நிலையில் இரு அணிகளுக்கும் இடையேயான 5 போட்டிகள் கொண்ட டி20 தொடரின் முதல் போட்டி இன்று டிரினிடாட்டில் நடைபெறுகிறது. 

இப்போட்டியில் டாஸ் வென்றுள்ள வெஸ்ட் இண்டீஸ் அணி முதலில் பந்துவீச தீர்மானித்துள்ளது. 

இன்றைய போட்டிக்கான இந்திய அணியில் தமிழக வீரர்கள் தினேஷ் கார்த்திக், ரவிச்சந்திரன் அஸ்வின் ஆகியோருக்கு வாய்ப்பு வழங்கப்பட்டுள்ளது.

இந்தியா: ரோஹித் சர்மா(கே), ரிஷப் பந்த், ஸ்ரேயாஸ் ஐயர், சூர்யகுமார் யாதவ், ஹர்திக் பாண்டியா, தினேஷ் கார்த்திக், ரவீந்திர ஜடேஜா, ரவி பிஷ்னோய், புவனேஷ்வர் குமார், ரவிச்சந்திரன் அஷ்வின், அர்ஷ்தீப் சிங்.

வெஸ்ட் இண்டீஸ்: ஷமரா ப்ரூக்ஸ், ஷிம்ரான் ஹெட்மியர், ரோவ்மேன் பவல், நிக்கோலஸ் பூரன்(கே), கைல் மேயர்ஸ், ஜேசன் ஹோல்டர், அகேல் ஹொசைன், ஒடியன் ஸ்மித், அல்ஸாரி ஜோசப், ஓபேட் மெக்காய், கீமோ பால்.