PKL 2022: தபாங் டெல்லியைப் பந்தாடியது ஜெய்ப்பூர் பிங்க் பாந்தர்ஸ்!

புரோ கபடி லீக்கில் தபாங் டெல்லியை 57-32 என வீழ்த்தி அபார வெற்றி பெற்ற ஜெய்ப்பூர் பிங்க் பாந்தர்ஸ் அணி புள்ளி பட்டியலில் 2ஆம் இடத்திற்கு முன்னேறியது.

Arjun Deshwal, Rahul Chaudhari star as Jaipur Pink Panthers beat Dabang Delhi (Image Source: Google)

புரோ கபடி லீக் தொடரின் 9ஆவது சீசன் விறுவிறுப்பாக நடந்துவருகிறது. நேற்று புனேவில் 3 போட்டிகள் நடந்தன. நேற்று நடைபெற்ற இரண்டாவது போட்டியில் தெலுங்கு டைட்டன்ஸும் யு.பி யோதாஸும் மோதின. 

கடந்த போட்டியில் அபாரமாக விளையாடி வெற்றி பெற்ற யு.பி யோதாஸ் அணி இந்த போட்டியிலும் சிறப்பாக விளையாடியது. இதன்மூலம் ஆட்டநேர முடிவில் யுபி யோதாஸ் அணி 41-30 என்ற கணக்கில் தெலுங்கு டைட்டன்ஸை வீழ்த்தி வெற்றி பெற்றது.

இதையடுத்து நேற்று நடந்த கடைசி போட்டியில் ஜெய்ப்பூர் பிங்க் பாந்தர்ஸும் தபாங் டெல்லியும் மோதின. இந்த போட்டியில் டபாங் டெல்லி மீது முழுக்க முழுக்க ஆதிக்கம் செலுத்தி அபாரமாக ஆடியது ஜெய்ப்பூர் அணி. டபாங் டெல்லி அணியால் ஒரு கட்டத்தில் கூட ஆதிக்கம் செலுத்த முடியவில்லை. 

இந்த சீசனின் தொடக்கத்தில் தொடர் வெற்றிகளை பெற்று புள்ளி பட்டியலில் முதலிடத்தில் இருந்த தபாங் டெல்லி அணி அதன்பின்னர் படுமோசமாக ஆடி படுதோல்விகளை அடைந்துவருகிறது. இந்த போட்டியில் 57-32 என்ற கணக்கில் ஜெய்ப்பூர் அணியிடம் படுதோல்வி அடைந்தது தபாங் டெல்லி அணி.

புனேரி பல்தான் அணி தொடர்ந்து முதலிடத்தில் நீடிக்கிறது. இன்று தபாங் டெல்லியை வீழ்த்தி அபார வெற்றி பெற்ற ஜெய்ப்பூர் பிங்க் பாந்தர்ஸ் அணி 2ஆம் இடத்திற்கு முன்னேறியது. பெங்களூரு புல்ஸ் 3ஆம் இடத்திலும், யு.பி யோதாஸ் அணி 4ஆம் இடத்திலும் உள்ளன. யு மும்பா அணி 5ஆம் இடத்தில் உல்ளது.