கிராண்ட்ஸ்லாம் போட்டிகளில் ஒன்றான ஆஸ்திரேலிய ஓபன் டென்னிஸ் போட்டி தொடர் கடந்த 16ஆம் தேதி ஆஸ்திரேலியாவில் தொடங்கி நடந்து வருகிறது. வரும் 29ஆம் தேதி வரை பல சுற்றுகள் கொண்ட போட்டிகள் நடைபெற உள்ளன. இதில், ஆடவர் ஒற்றையர் 2ஆவது சுற்று போட்டி ஒன்றில் அமெரிக்காவின் ஜென்சன் புரூக்ஸ்பை மற்றும் தரவரிசையில் 2ஆம் நிலை வீரரான காஸ்பர் ரூட் ஆகியோர் இன்று விளையாடினர்.
இந்த போட்டியில், அதிரடியாக விளையாடிய ஜென்சன் முதல் செட்டை 6-3 என்ற கணக்கில் கைப்பற்றினார். அடுத்து நடைபெற்ற இரண்டாம் செட் ஆட்டத்தில் காஸ்பர் ரூட் 7-6 என்ற கணக்கில் போராடி கைப்பற்றினார்.
அதன்பின் வெற்றியாளரைத் தீர்மானிக்கும் மூன்றாம் செட் ஆட்டத்தில் அபாரமாக செயல்பட்ட ஜென்சன் 6-2 என்ற கணக்கில் கைப்பற்றி ரூடிற்கு அதிர்சி கொடுத்தார். இதன் மூலம் ஜென்சன் புரூக்ஸ்பை 6-3, 6-7, 6-2 என்ற செட் கணக்கில் காஸ்பர் ரூடை வீழ்த்தி அபார வெற்றியைப் பதிவுசெய்து அசத்தினார்.
