ஃபிஃபா உலகக்கோப்பை: ஈரானை வீழ்த்தி அடுத்த சுற்றுக்கு முன்னேறியது அமெரிக்கா!

ஈரானுக்கு எதிரான உலகக்கோப்பை கால்பந்து லீக் ஆட்டத்தில் அமெரிக்க அணி 1-0 என்ற கோல் கணக்கில் வெற்றிபெற்று அசத்தியது.

FIFA World Cup: USA Advances To Knockout Stage With 1-0 Win Over Iran (Image Source: Google)

கால்பந்து உலகக்கோப்பை தொடரின் 22ஆவது சீசன் கத்தாரில் விறுவிறுப்பாக நடைபெற்று வருகிறது. இதில் குரூப் பி பிரிவில் நள்ளிரவு 12.30 மணிக்கு இரண்டு ஆட்டங்கள் ஒரே நேரத்தில் தொடங்கின. 

இதன் ஒரு போட்டியில் ஈரான்-அமெரிக்கா அணிகள் மோதின. விறுவிறுப்பாக நடைபெற்ற இந்த ஆட்டத்தில் கோல் போடுவதற்கு இரு அணிகளும் தீவிர முயற்சியில் ஈடுபட்டன. 

இப்போட்டியின் முதல் பாதியின் 38ஆவது நிமிடத்தில் அமெரிக்க வீரர் கிறிஸ்டியன் புலிசிக் ஒரு கோல் அடித்து தமது அணியை முன்னிலை பெறச் செய்தார். ஆனாலி ஈரான் அணியால் ஒருகோல் கூட அடிக்க முடியவில்லை.

இதைத்தொடர்ந்து நடைபெற்ற 2ஆவது பாதியில் ஆட்டத்தை சமன் செய்ய ஈரான் வீரர்களின் முயற்சி வெற்றி பெறவில்லை. இறுதிவரை வேறு கோல் எதுவும் அடிக்கப்படவில்லை. ஆட்ட நேர முடிவில் 1-0 என்ற கோல் கணக்கில் வெற்றி பெற்ற அமெரிக்கா புள்ளி பட்டியலில் 2ஆவது இடத்தை பிடித்ததுடன் அடுத்த சுற்றுக்கு தகுதி பெற்றது.