பிரஞ்சு ஓபன்: இறுதிப்போட்டிக்குள் நுழைந்தனர் சிராக் ஷெட்டி, ரங்கிரெட்டி!

பிரஞ்சு ஓபன் பேட்மிண்டன் தொடரின் அரையிறுதிப்போட்டியில் இந்தியாவின் சாத்விக்- சிராக் ஜோடி 21-18, 21-14 என்ற செட் கணக்கில் சோய்-கிம் ஜோடியை வீழ்த்தி வெற்றி பெற்று இறுதி போட்டிக்கு முன்னேறினர்.

பிரஞ்சு ஓபன் சூப்பர் 750 பேட்மிண்டன் போட்டி பாரீஸ் நகரில் கடந்த 25ஆம் தேதி தொடங்கி நடைபெற்று வருகிறது. 

இந்த தொடரில் நேற்று நடந்த ஆடவர் இரட்டையர் பிரிவின் அரையிறுதி சுற்றில் இந்தியாவின் சாத்விக் சாய்ராஜ் ரங்கிரெட்டி/சிராக் ஷெட்டி ஜோடி கொரியாவின் சோய் சோல் கியூ மற்றும் கிம் வோன் ஹோ ஜோடியை எதிர்கொண்டது.

இந்தப் போட்டியில் தொடக்கம் முதலே அதிரடி ஆட்டத்தை வெளிப்படுத்திய சாத்விக்- சிராக் ஜோடி முதல் செட்டை 21-18, கணக்கில் எளிதில் கைப்பற்றி கொரியா வீரர்களுக்கு அதிர்ச்சி அளித்தனர். 

அதனைத் தொடர்ந்து இரண்டாவது செட்டிற்கான ஆட்டத்திலும் அசத்திய சாத்விக்- சிராக் ஜோடி 21-14 என்ற புள்ளிக்கணக்கில் அந்த செட்டையும் கைப்பற்றி அசத்தினர். 

இதன்மூலம் இந்திய ஜோடி 21-18, 21-14 என்ற செட் கணக்கில் கொரியா ஜோடியை வீழ்த்தி இறுதிப்போட்டிக்கு தகுதி பெற்றது. இன்று நடைபெறும் இறுதிப்போட்டியில் தைவானின் சிஒய் லூ மற்றும் பிஎச் யங் இணையை எதிர்கொள்கிறது.

Win Big, Make Your Cricket Tales Now