ஆடவருக்கான ஹாக்கி உலகக்கோப்பை தொடர் ஒடிஷாவில் நடைபெற்றது. இதில் புவனேஸ்வரில் நேற்று நடைபெற்ற இறுதிப் போட்டியில் பெல்ஜியம் - ஜெர்மனி அணிகள் பலப்பரீட்சை நடத்தின.
இப்போட்டி தொடங்கியது முதலே இரு அணிகளும் அதிரடி ஆட்டத்தை வெளிப்படுத்தி அடுத்தடுத்து கோல்களை அடித்தனர். போட்டியின் 10 மற்றும் 11ஆது நிமிடத்தில் பெல்ஜியம் அணி தொடர்ந்து 2 கோல்களை அடித்தது. 2-0 என்ற கணக்கில் பின்தங்கிய ஜெர்மனி, பிறகு அதிரடியை காட்டி முன்னிலை பெற்றது.
ஆட்டத்தின் 29ஆவது நிமிடம், 41ஆவது நிமிடம் மற்றும் 48ஆவது நிமிடத்தில் ஜெர்மனி அணி அடுத்தடுத்து 3 கோல்களை அடித்து 3-2 என்ற கணக்கில் முன்னிலை வகித்தது. இந்த தொடரில் ஜெர்மனி அணி பின்தங்கிய நிலையிலிருந்து கோல் அடித்து முன்னிலை பெற்றது இது 3ஆவது முறை. இதிலிருந்து தோல்வியை ஒப்பு கொள்ளாமல் எப்படி ஜெர்மனி போராடி வெற்றி பெற்று இருக்கிறது என்று நமக்கு தெரிந்திருக்கும்.
