பாரிஸ் மாஸ்டர்ஸ்: காலிறுதிக்கு முன்னேறினார் சிட்சிபாஸ்!

பாரிஸ் மாஸ்டர்ஸ் டென்னிஸ் தொடரில் நட்சத்திர வீரர் ஸ்டெபனோஸ் சிட்சிபாஸ் காலிறுதிச்சுற்றுக்கு முன்னேறி அசத்தியுள்ளார்.

Paris Masters 2022: Tsitsipas races past Moutet to reach quarters (Image Source: Google)

பாரிஸ் மாஸ்டர்ஸ் டென்னிஸ் தொடர் பாரிஸில் கடந்த 29ஆம் தேதி தொடங்கியது. முதல் 2 நாட்கள் தகுதி சுற்று போட்டிகள் நடைபெற்ற நிலையில் கடந்த 31ஆம் தேதி முதல் சுற்று போட்டிகள் தொடங்கியது.

இந்த தொடரில் இன்று நடைபெற்ற மூன்றாம் சுற்று ஆட்டம் ஒன்றில் நட்சத்திர வீரர் ஸ்டெபனோஸ் சிட்சிபாஸ் - கோரெண்டின் மௌடெட்டை எதிர்கொண்டார். 

இப்போட்டியின் தொடக்கம் முதலே சிறப்பான ஆட்டத்தை வெளிப்படுத்திய சிட்சிபாஸ் முதல் செட்டை 6-3 என்ற செட் கணக்கில் கைப்பற்றி மௌடெட்டிற்கு அதிர்ச்சியளித்தார்.

இதையடுத்து நடைபெற்ற இரண்டாம் செட் ஆட்டத்தில் இருவரும் சிறப்பான ஆட்டத்தை வெளிப்படுத்த போட்டியில் அனல் பறந்தது. இறுதியில் சிட்சிபாஸ் 7-3 என்ற கணக்கில் கைப்பற்றி அசத்தினார். 

இதன்மூலம் ஸ்டெபனோஸ் சிட்சிபாஸ் 6-3, 7-6 என்ற செட் கணக்கில் கோரெண்டின் மௌடெட்டை வீழ்த்தி, பாரிஸ் மாஸ்டர்ஸ் டென்னிஸ் தொடரின் காலிறுதிச்சுற்றுக்கு முன்னேறினார்.