PKL 2022: யு மும்பா அணியை வீழ்த்தியது பாட்னா பைரட்ஸ்!

யு மும்பா அணிக்கெதிரான போட்டியில் பாட்னா பைரட்ஸ் அணி 34 - 31 என்ற புள்ளிக்கணக்கில் வெற்றிபெற்றது.

PKL 2022: Patna Pirates beat U Mumba by 34-31! (Image Source: Google)

12 அணிகளுக்கு இடையிலான 9ஆவது புரோ கபடி போட்டி பெங்களூருவில் கடந்த மாதம் 7ஆம் தேதி தொடங்கியது. இந்த தொடரில் புனேவில் இன்று நடைபெற்ற முதல் போட்டியில் பாட்னா பைரட்ஸ் - யு மும்பா அணிகள் மோதின.

பரபப்பான இப்போட்டியில் தொடக்கம் முதலே பாட்னா பைரட்ஸ் அணி சிறப்பான ஆட்டத்தை வெளிப்படுத்தி புள்ளிகளைக் கைப்பற்றியது. அவர்களுக்கு சவாலளிக்கும் வகையில் யு மும்பா அணியும் சிறப்பான ஆட்டத்தை வெளிப்படுத்தியது.

இறுதியில் பாட்னா பைரட்ஸ் அணி 34 - 31 என்ற புள்ளி கணக்கில் யு மும்பா அணியை வீழ்த்தி வெற்றி பெற்றது. பாட்னா அணி தரப்பில் சிறப்பாக ரெய்டு சென்ற சச்சின் 12 புள்ளிகளை குவித்தார். இதன் மூலம் இந்த சீசனில் பாட்னா அணி 4ஆவது வெற்றியை பெற்று அசத்தியுள்ளது.