PKL 2022: யு மும்பா, யுபி யோதாஸ் அணிகள் வெற்றி!

புரோ கபடி லீக் தொடரின் நேற்றைய போட்டிகளில் யு மும்பா மற்றும் யுபி யோதாஸ் அணிகள் வெற்றிபெற்றன.

PKL 9: Ashish's last-second raid hands U Mumba thrilling win over Puneri Paltan (Image Source: Google)

ஒன்பதாவது சீசன் புரோ கபடி லீக் தொடர் விறுவிறுப்பாக நடந்துவருகிறது. புனேரி பல்தான், பெங்களூரு புல்ஸ், யு மும்பா, ஜெய்ப்பூர் பிங்க் பாந்தர்ஸ் அணிகள் அபாரமாக விளையாடி புள்ளி பட்டியலில் ஆதிக்கம் செலுத்துகின்றன. 

சீசனின் தொடக்கத்தில் தொடர் வெற்றிகளை பெற்று புள்ளி பட்டியலில் முதலிடத்தில் இருந்த தபாங் டெல்லி அணி, அதன்பின்னர் தொடர் தோல்விகளை தழுவியதன் விளைவாக 5ஆம் இடத்தில் உள்ளது.

இந்நிலையில் நேற்று புனேவில் நடந்த முதல் போட்டியில் யுபி யோதாஸ் மற்றும் ஹரியானா ஸ்டீலர்ஸ் அணிகள் மோதின. இந்த போட்டியில் அபாரமாக விளையாடிய யுபி யோதாஸ் அணி ஆட்டநேர முடிவில் 40-34 என ஹரியானா அணியை வீழ்த்தி வெற்றி பெற்றது.

அடுத்த போட்டியில் புனேரி பல்தான் மற்றும் யு மும்பா ஆகிய 2 வலுவான அணிகளும் மோதின. மிகவும் பரபரப்பாக நடந்த இந்த போட்டியில் இரு அணிகளும் போட்டி போட்டு புள்ளிகளை பெற்றன. கடைசியில் 34-33 என யு மும்பா அணி த்ரில் வெற்றி பெற்றது.

இந்த போட்டியில் தோல்வியை தழுவினாலும் புனேரி பல்தான் அணி புள்ளி பட்டியலில் முதலிடத்தில் நீடிக்கிறது. பெங்களூரு புல்ஸ் 2ஆம் இடத்திலும்,  யு மும்பா அணி 3ஆம் இடத்திலும், ஜெய்ப்பூர் பிங்க் பாந்தர்ஸ் அணி 4ஆம் இடத்திலும் உள்ளன. தமிழ் தலைவாஸ் அணி புள்ளி பட்டியலில் 7ஆம் இடத்தில் உள்ளது.