PKL 2022: தெலுங்கு டைட்டன்ஸை புரட்டியெடுத்தது தபாங் டெல்லி!

புரோ கபடி லீக் தொடரின் இன்றைய போட்டியில் தெலுங்கு டைட்டன்ஸை வீழ்த்தி டபாங் டெல்லி அணி 4ஆவது வெற்றியை பெற்று புள்ளி பட்டியலில் முதலிடத்தில் ஆதிக்கம் செலுத்துகிறது.

புரோ கபடி லீக் தொடரின் 9ஆவது சீசன் கடந்த 7ஆம் தேதி தொடங்கி விறுவிறுப்பாக நடந்துவருகிறது. முதல் 41 போட்டிகள் பெங்களூருவிலும், அடுத்தடுத்த போட்டிகள் புனே மற்றும் ஹைதராபாத்திலும் நடக்கின்றன.

பெங்களூரு காண்டிவீரா மைதானத்தில் நேற்று நடைபெற்ற லீக் ஆட்டத்தில் தபாங் டெல்லி - தெலுங்கு டைட்டன்ஸ் அணிகள் பலப்பரீட்சை நடத்தின.  

இந்த தொடரின் முதல் 3 போட்டிகளிலும் அபார வெற்றி பெற்று புள்ளி பட்டியலில் முதலிடத்தில் ஆதிக்கம் செலுத்திவரும் தபாங் டெல்லி அணி, தெலுங்கு டைட்டன்ஸ் அணிக்கு எதிரான இன்றைய போட்டியில் தொடக்கம் முதலே ஆதிக்கம் செலுத்தி புள்ளிகளை அள்ளியது. 

கடைசி வரை எந்த சூழலிலும் தெலுங்கு டைட்டன்ஸ் அணியை எழ விடாமல் தபாங் டெல்லி அணி, 46-26 என்ற புள்ளிக்கணக்கில் அபார வெற்றி பெற்று, இந்த சீசனில் இதுவரை ஆடிய 4 போட்டிகளிலும் வெற்றி பெற்று புள்ளி பட்டியலில் தொடர்ந்து முதலிடத்தில் நீடிக்கிறது. 

இந்த புள்ளிப்பட்டியளில் ஜெய்ப்பூர் பிங்க் பாந்தர்ஸ் அணி புள்ளி பட்டியலில் 2ஆம் இடத்திலும், பெங்கால் வாரியர்ஸ் மூன்றாம் இடத்திலும், ஹரியானா ஸ்டீலர்ஸ் 4ஆம் இடத்திலும் உள்ளது குறிப்பிடத்தக்கது.

Win Big, Make Your Cricket Tales Now