PKL 2022: புனேரி பல்தானிடம் போராடி வீழ்ந்தது தமிழ் தலைவாஸ்!

புனேரி பல்தான் அணிக்கெதிரான புரோ கபடி லீக் ஆட்டத்தில் தமிழ் தலைவாஸ் அணி 34-35 என்ற புள்ளிகணக்கில் போராடி தோல்வியடைந்தது.

PKL 9: Fazel's 400th tackle point galvanizes Puneri Paltan to victory over Tamil Thalaivas (Image Source: Google)

12 அணிகள் இடையேயான புரோ கபடி லீக் போட்டி தற்போது புனேயில் நடைபெற்று வருகிறது. இதில் லீக் சுற்றுகள் முடிவில் முதல் 6 இடங்களை பிடிக்கும் அணிகள் 'பிளே ஆப்' சுற்றுக்கு தகுதி பெறுகிறது.

இந்த தொடரில் இன்று நடைபெற்ற முதல் போட்டியில் பெங்களூரு புல்ஸ் அணி 36- 33 என்ற கணக்கில் அரியானா அணியை வீழ்த்தி வெற்றி பெற்றது. இதை தொடர்ந்து இன்று நடைபெற்ற 2ஆவது போட்டியில் தமிழ் தலைவாஸ்- புனேரி பால்டன் அணிகள் மோதின.

கடந்த 5 போட்டிகளில் 4 வெற்றி, 1 டிரா என தமிழ் தலைவாஸ் அணி இந்த தொடரில் சிறப்பான ஆட்டத்தை வெளிப்படுத்தி வந்தது. இந்த நிலையில் புனே அணிக்கு எதிராக நடைபெற்ற பரபரப்பான போட்டியில் தமிழ் தலைவாஸ் சிறப்பான ஆட்டத்தை வெளிப்படுத்தி அடுத்தடுத்து புள்ளிகளைப் பெற்றனர்.

அதிலும் ஆட்டத்தின் முடிவிற்கு 5 நிமிடங்களே இருந்த நிலையில் தமிழ் தலைவாஸ் அணி 5 புள்ளிகள் முன்னிலையுடன் வெற்றியைக் நோக்கி சென்றுகொண்டிருந்தது. ஆனால் கடைசி 5 நிமிடத்தில் அபாரமான ஆட்டத்தை வெளிப்படுத்திய புனே அணி அடுத்தடுத்து 12 புள்ளிகளைப் பெற்று தமிழ் தலைவாஸுக்கு அதிர்ச்சி அளித்தது. 

இப்போட்டியில் இறுதிவரை போராடிய தமிழ் தலைவாஸ் அணி 34-35 என்ற புள்ளி கணக்கில் புனேரி பல்தானிடம் வீழ்ந்தது. புனே அணி தரப்பில் சிறப்பாக ரெய்டு சென்ற ஆகாஷ் ஷிண்டே 10 புள்ளிகளை குவித்து அசத்தினார். இந்த வெற்றியின் மூலம் தமிழ் தலைவாஸ் அணியின் தொடர் வெற்றிகளுக்கு புனே அணி முற்றுப்புள்ளி வைத்துள்ளது.