PKL 2022: பெங்களூரு புல்ஸை வீழ்த்தி மூன்றாவது முறையாக இறுதிப்போட்டிக்குள் நுழைந்தது ஜெய்ப்பூர் பிங்க் பாந்தர்ஸ்!
புரோ கபடி லீக் தொடரின் முதல் அரையிறுதி போட்டியில் பெங்களூரு புல்ஸை 49-29 என்ற கணக்கில் வீழ்த்தி அபார வெற்றி பெற்று ஜெய்ப்பூர் பிங்க் பாந்தர்ஸ் அணி இறுதிப்போட்டிக்கு முன்னேறியது.
புரோ கபடி லீக் தொடரின் 9ஆவது சீசன் இறுதிக்கட்டத்தை எட்டியுள்ளது. இதன் லீக் சுற்று முடிவில் புள்ளி பட்டியலில் முதலிரண்டு இடங்களை பிடித்த ஜெய்ப்பூர் பிங்க் பாந்தர்ஸ், புனேரி பல்தான் அணிகள் நேரடியாக அரையிறுதிக்கு முன்னேறின.
புள்ளி பட்டியலில் அடுத்த 4 இடங்களை பிடித்த பெங்களூரு புல்ஸ், யுபி யோதாஸ், தமிழ் தலைவாஸ், தபாங் டெல்லி அணிகள் பிளே ஆஃபிற்கு முன்னேறின. முதல் பிளே ஆஃப் போட்டியில் டபாங் டெல்லியை வீழ்த்தி பெங்களூரு புல்ஸ் அணியும், அடுத்த பிளே ஆஃப் போட்டியில் யு.பி யோதாஸ் அணியை வீழ்த்தி தமிழ் தலைவாஸ் அணியும் அரையிறுதிக்கு முன்னேறின. தமிழ் தலைவாஸ் அணி முதல் முறையாக அரையிறுதிக்கு முன்னேறியது.
இதில் இன்று நடைபெற்ற முதல் அரையிறுதி போட்டியில் ஜெய்ப்பூர் பிங்க் பாந்தர்ஸ் மற்றும் பெங்களூரு புல்ஸ் அணிகள் மோதின. ஜெய்ப்பூர் - பெங்களூரு ஆகிய 2 அணிகளுமே வலுவான அணிகள் என்பதாலும், இந்தசீசனில் 2 அணிகளுமே அபாரமாக ஆடியதாலும் இந்த போட்டி கடுமையாக இருக்கும் என எதிர்பார்க்கப்பட்டது.
ஆனால் இந்த ஆட்டத்தின் தொடக்கத்திலிருந்தே பெங்களூரு புல்ஸ் அணி மீது ஆதிக்கம் செலுத்தி விளையாடிய ஜெய்ப்பூர் பிங்க் பாந்தர்ஸ், எந்த சூழலிலும் பெங்களூரு அணியை எழவே விடவில்லை.அபாரமாக ஆடிய ஜெய்ப்பூர் பிங்க் பாந்தர்ஸ் அணி, 49-29 என்ற கணக்கில் அபார வெற்றி பெற்று இறுதிப்போட்டிக்கு முன்னேறியுள்ளது.
புரோ கபடி லீக் முதல் சீசனில் டைட்டில் வென்ற ஜெய்ப்பூர் அணி, 4ஆவது சீசனில் ஃபைனலில் பாட்னா பைரேட்ஸிடம் தோற்று கோப்பையை இழந்தது. இந்த சீசனில் 3ஆவது முறையாக ஃபைனலுக்கு முன்னேறியுள்ளது ஜெய்ப்பூர் அணி. அதேபோல் இன்று நடைபெற்ற மற்றொரு அரையிறுதி ஆட்டத்தில் புனேரி பல்தால் அணி 39-37 என்ற புள்ளிகணக்கில் தமிழ் தலைவாஸை வீழ்த்தி முதல் முறையாக இறுதிப்போட்டிக்குள் நுழைந்துள்ளது.
Win Big, Make Your Cricket Tales Now
