PKL 2022: பெங்களூரு புல்ஸை வீழ்த்தியது பெங்கால் வாரியர்ஸ்!
பெங்களூரு புல்ஸிற்கு எதிரான பிகேஎல் லீக் போட்டியில் பெங்கால் வாரியர்ஸ் அணி 42-33 என்ற புள்ளி கணக்கில் அபார வெற்றியைப் பெற்றது.
புரோ கபடி லீக் தொடரின் 9ஆவது சீசன் கடந்த 7ஆம் தேதி பெங்களூருவில் தொடங்கி நடைபெற்று வருகிறது. இந்த தொடரில் நேற்று நடைபெற்ற முதல் போட்டியில் பெங்களூரு புல்ஸ்- பெங்கால் வாரியர்ஸ் அணிகள் மோதின.
பரபரப்பாக நடைபெற்ற இந்த போட்டியில் பெங்கால் வாரியர்ஸ் அணி ஆரம்பம் முதலே சிறப்பான ஆட்டத்தை வெளிப்படுத்திய புள்ளிகளைப் பெற்றது. அதிலும் பெங்கால் வாரியர்ஸ் அணியின் நட்சத்திர வீரர் மனீந்தர் சிங் சிறப்பாக விளையாடி 11 புள்ளிகளைப் பெற்றுக் கொடுத்தார்.
அவருக்கு அடுத்தபடியாக அந்த அணியில் ஸ்ரீகாந்த் ஜாதவ் சிறப்பான ரைடின் மூலம் 6 புள்ளிகளை அணிக்கு பெற்று தந்தார்.
இதன்மூலம் பெங்கால் வாரியர்ஸ் அணி ஆட்டநேர முடிவில் 42-33 என்ற புள்ளி கணக்கில் பெங்களூரு புல்ஸ் அணியை வீழ்த்தி அபார வெற்றியைப் பெற்றது. இந்த வெற்றியின் மூலம் பெங்கால் வாரியர்ஸ் அணி இந்த சீசனில் தங்ளது இரண்டாவது வெற்றியைப் பதிவுசெய்துள்ளது.
அதேசமயம் கடந்த 2 போட்டிகளில் வெற்றி பெற்று இருந்த பெங்களூரு அணி இந்த சீசனில் முதல் தோல்வியை சந்தித்துள்ளது குறிப்பிடத்தக்கது.
Win Big, Make Your Cricket Tales Now
